Qazaqstanda jyl sayyn týsik jasatatyn әielder sany 70 mynnan asty. Ministrlik statistikany azaytu baghytyndaghy júmystardy kýsheytpek...

Qazaqstanda jyl sayyn shamamen 70 mynnan astam әiel týsik jasatady. Búl turaly Densaulyq saqtau ministri Aqmaral Álnazarova Ýkimettegi brifingte mәlimdedi, dep habarlaydy Qaz365.kz.

Ministrding aituynsha, memleket búl ýreyli statistikany azaytu baghytyndaghy júmystardy kýsheytui tiyis. Ásirese, zamanauy kontrasepsiya qúraldaryna qoljetimdilikti arttyru manyzdy.

«Qazaqstanda jyl sayyn 75 myngha juyq týsik jasalady. Qazirgi otbasyn josparlau әdisteri damyghan zamanda búl kórsetkishti tómendetuge tiyispiz. Sebebi әrbir týsik – әielding ómiri men densaulyghyna tónetin qauip», – dedi Aqmaral Álnazarova.

Ministr әleumettik osal әielderge tegin kontraseptivter beru ýshin emhanalargha qarajat bólinip jatqanyn, alayda onyng әli jetkiliksiz ekenin atap ótti.

«Býginde emhanalar әleumettik osal toptaghy әielderdi otbasyn josparlau qúraldarymen qamtamasyz etuge qarjy bólip otyr. Biraq búl jetkiliksiz, sondyqtan júmys jalghasuda», – dedi ol.

Sonday-aq әrbir medisinalyq úiym búl maqsatqa óz budjeti esebinen qarjy qarastyrady. Al key ónirlerde jergilikti budjetten de qosymsha qarajat bólinedi.

«Qazir biz әr akimatpen birge osy baghytta júmys istep jatyrmyz. Maqsat – kontrasepsiya qúraldaryna múqtaj әielderdi kóbirek qamtu», – dedi ministr.

Aqmaral Álnazarovanyng aituynsha, Qazaqstan reproduktivti densaulyq salasynda halyqaralyq tәjiriybeni zerttep, sheteldik mamandardy tartyp otyr.

«Búl – barlyq órkeniyetti elderding tandauy. Biz de osy baghytta algha jyljimyz», – dedi ol.

Abai.kz