Qazaqstan 1 jylda bir palataly parlament qúrugha ýlgeredi. Júmys toby ishki júmystarmen jarty jyl ainalysyp, belgili bir núsqasyn jariyalaydy. Búl jayynda QR Parlamenti Mәjilisining deputaty Aydos Sarym «Týiin» aqparattyq-saraptamalyq baghdarlamasyna bergen súhbatynda aitty.

Preziydent asyghystyq tanytpaudy eskertti, әbden saralaudy tapsyrdy. Degenmen, 1 jyl dedlayn qoydy. Búl uaqyt jetkilikti me? – degen súraqqa mәjilismen: «Meninshe, ýlgeredi. Kem degende osy mejening jarty jyly ol tek ishki júmystargha arnalady. Odan keyin bilgili bir núsqa dayyn bolghan kezde ony Preziydentke beremiz. Birinshi kezekte Preziydent ony әrtýrli saraptau úiymdaryna tapsyrady. Ekinshi kezekte ol baspasóz qúraldaryna jariyalanyp, talqylanady. Mening týsinigimde respublikalyq shtab qúrylyp, aimaqtargha shyghyp, týsindiru  kerek», - dep jauap berdi.

Qazir parlamentting eki palatasynda 148 deputat bar. Bir palataly jýiege kóshkende qanshasy qalatyny zerdelenip jatyr. «Qazaqstanda 20 mln-nan astam halyq bar, onyng 13 mln-y saylaushy. Álemdik tәjiriybe boyynsha, osynsha adamgha qansha deputat bolghany dúrys? Týrli úsynystar tyndalyp, әlemdik tәjiriybe zertteledi. Oghan deyin dóp basyp aitu asyghystyq bolar edi», - dedi Aydos Sarym.

Sonday-aq, deputattyng aituynsha, 1 jyldyng ishinde elde tek konstitusiyalyq ózgeristerdi ghana emes, tiyisti zandargha qajet ózgerister paketin de әzirleuge bolady. Eger referendum ótip, halyq ony qoldasa, 3-4 aidyng ishinde eki palatadan da ótetin zandyq ózgerister toptamasyn jasap shyghugha tolyq mýmkindik bar.

Abai.kz