قازاقستان 1 جىلدا ءبىر پالاتالى پارلامەنت قۇرۋعا ۇلگەرەدى. جۇمىس توبى ىشكى جۇمىستارمەن جارتى جىل اينالىسىپ، بەلگىلى ءبىر نۇسقاسىن جاريالايدى. بۇل جايىندا قر پارلامەنتى ءماجىلىسىنىڭ دەپۋتاتى ايدوس سارىم «ءتۇيىن» اقپاراتتىق-ساراپتامالىق باعدارلاماسىنا بەرگەن سۇحباتىندا ايتتى.

پرەزيدەنت اسىعىستىق تانىتپاۋدى ەسكەرتتى، ابدەن سارالاۋدى تاپسىردى. دەگەنمەن، 1 جىل دەدلاين قويدى. بۇل ۋاقىت جەتكىلىكتى مە؟ – دەگەن سۇراققا ماجىلىسمەن: «مەنىڭشە، ۇلگەرەدى. كەم دەگەندە وسى مەجەنىڭ جارتى جىلى ول تەك ىشكى جۇمىستارعا ارنالادى. ودان كەيىن بىلگىلى ءبىر نۇسقا دايىن بولعان كەزدە ونى پرەزيدەنتكە بەرەمىز. ءبىرىنشى كەزەكتە پرەزيدەنت ونى ءارتۇرلى ساراپتاۋ ۇيىمدارىنا تاپسىرادى. ەكىنشى كەزەكتە ول ءباسپاسوز قۇرالدارىنا جاريالانىپ، تالقىلانادى. مەنىڭ تۇسىنىگىمدە رەسپۋبليكالىق شتاب قۇرىلىپ، ايماقتارعا شىعىپ، ءتۇسىندىرۋ  كەرەك»، - دەپ جاۋاپ بەردى.

قازىر پارلامەنتتىڭ ەكى پالاتاسىندا 148 دەپۋتات بار. ءبىر پالاتالى جۇيەگە كوشكەندە قانشاسى قالاتىنى زەردەلەنىپ جاتىر. «قازاقستاندا 20 ملن-نان استام حالىق بار، ونىڭ 13 ملن-ى سايلاۋشى. الەمدىك تاجىريبە بويىنشا، وسىنشا ادامعا قانشا دەپۋتات بولعانى دۇرىس؟ ءتۇرلى ۇسىنىستار تىڭدالىپ، الەمدىك تاجىريبە زەرتتەلەدى. وعان دەيىن ءدوپ باسىپ ايتۋ اسىعىستىق بولار ەدى»، - دەدى ايدوس سارىم.

سونداي-اق، دەپۋتاتتىڭ ايتۋىنشا، 1 جىلدىڭ ىشىندە ەلدە تەك كونستيتۋتسيالىق وزگەرىستەردى عانا ەمەس، ءتيىستى زاڭدارعا قاجەت وزگەرىستەر پاكەتىن دە ازىرلەۋگە بولادى. ەگەر رەفەرەندۋم ءوتىپ، حالىق ونى قولداسا، 3-4 ايدىڭ ىشىندە ەكى پالاتادان دا وتەتىن زاڭدىق وزگەرىستەر توپتاماسىن جاساپ شىعۋعا تولىق مۇمكىندىك بار.

Abai.kz