Jetisuda balalardyng qauipsizdigin qamtamasyz etu baghytynda jana joba qolgha alyndy. Tәrtip saqshylarynyng búl bastamasyn oblystyq bilim basqarmasy men ata-analar birlesip qoldap otyr.

Búl rette pilottyq joba retinde Tekeli qalasynda ekinshi auysymda oqityn 1-11 synyp oqushylary, yaghny 2,5 myng oqushy jaryq shyghylystyrghysh kýrteshemen qamtyldy, - dep habarlaydy Jetisu oblysy әkimining baspasóz qyzmeti.

Oblystyq polisiya departamentining mәlimetine qaraghanda, kórinu elementteri bar jaryq shyghylystyrghysh kýrtesheler men kiyimder kólik jýrgizushilerding әsirese kóru mýmkindigi nashar jauyndy, túmandy kýnderi nemese qaranghy týsken mezgilde balalardy alystan bayqauyna mýmkindik beredi. Sondyqtan polisiya qyzmetkerleri búl jobany qoldau turaly úsynysyn mektep oqushylarynyng ata-analaryna jetkizgen bolatyn.

Oblystyq bilim basqarmasynyng aqparatyna sәikes, jyl basynan beri ónir mektepterinde 1900-dey is-shara ótkizilip, tótenshe jaghdaylardyng aldyn alu, joldaghy qauipsizdik, alghashqy kómek kórsetu sharalary boyynsha jadynamalar, taqyryptyq kitapshalar, kómek kórsetetin mekemelerding baylanys derekteri bar aqparattyq paraqshalar taratylghan.

- Oblystaghy bilim beru úiymdarynda oqu jyly barysynda balalardy jolda jýru erejelerimen tanystyru, jol erejesining belgilerin ýiretu, qauipsizdik sharalaryn nyghaytu maqsatynda «Abaylanyz, balalar!» atty aptalyqtar ótkizildi. Balabaqsha býldirshinderi men mektepting bastauysh synyp oqushylaryna «Jol tәrtibin bileyik, aman esen jýreyik» atty taqyrypta multifilimer kórsetilip, taldau jasaldy. Sonymen qatar polisiya qyzmetkerleri tarapynan jol qiylystaryndaghy jol erejeleri boyynsha ekskursiyalar ótkizildi. Sonday-aq atalghan taqyryptargha 5-11 synyptarda synyp saghattary ótkizilip, ata-analarmen kezdesuler úiymdastyryldy, - dedi oblystyq bilim basqarmasynyng basshysy Dәuren Jýnisov.

Abai.kz