Qazaqstan aumaghynda Nipah virusyn júqtyru derekteri de, ony elge syrttan әkelu faktileri de anyqtalghan joq.

Densaulyq saqtau ministrligining mәlimetinshe, qazir respublikadaghy epiydemiologiyalyq ahual qalypty, jaghday tiyisti organdardyng baqylauynda.

Sonymen birge aldyn alu sharalary kýsheytildi. Ýndistanda Nipah virusyna qatysty epiydemiologiyalyq jaghdaydyng ushyghuyna baylanysty, Densaulyq saqtau ministrligi memlekettik shekara arqyly ótetin barlyq ótkizu punktterinde sanitariyalyq-karantindik baqylaudy kýsheytu turaly sheshim qabyldady.

Osy rette Ýndistannan, sonday-aq Nipah infeksiyasy tirkelgen Ontýstik-Shyghys Aziya elderinen keletin jolaushylargha erekshe kónil bólinude. Atalghan infeksiya boyynsha qolaysyz sanalatyn elder tizimi túraqty týrde qayta qaralyp, qajet bolghan jaghdayda janartylyp otyrady.

Medisinalyq úiymdar infeksiyanyng әkelinu qaupi tuyndaghan jaghdayda dayyndyq rejiymine keltirildi. Shúghyl medisinalyq kómek kórsetetin brigadalardyng jәne infeksiyalyq stasionarlardyng әzirligi qamtamasyz etildi.

Sonymen qatar dәrilik preparattar, jeke qorghanu qúraldary, sonday-aq dezinfeksiyalau zattary boyynsha azaytylmaytyn qor qalyptastyryldy.

Infeksiyanyng taraluynyng aldyn alu maqsatynda endemiyalyq elderge sapar josparlap otyrghan azamattargha jeke profilaktika sharalaryn qatang saqtau úsynylady. Al elge oralghannan keyin auru belgileri bayqalsa, bolghan memleketi turaly aqparatty mindetti týrde aita otyryp, dereu medisinalyq kómekke jýginu qajet.

Nipah virusy zoonozdyq infeksiyalar qataryna jatady. Ol adamgha januarlardan júghuy mýmkin: jarqanattardan, shoshqalardan, sonday-aq infeksiya júqtyrghan adammen jaqyn әri tyghyz baylanys kezinde berilu qaupi bar. Búdan bólek, virus lastanghan tagham nemese susyn arqyly da júghuy yqtimal.

Auru әdette dene qyzuynyng kóteriluimen, bas auruymen, jalpy әlsizdikpen kórinis beredi. Al auyr jaghdaylarda ortalyq jýike jýiesi zaqymdanyp, sonday-aq pnevmoniya damuy mýmkin.

Qazirgi uaqytta Nipah virusyna qarsy arnayy emdeu tәsili de, resmy maqúldanghan vaksina da joq. Kórsetiletin medisinalyq kómek simptomdargha baylanysty jýrgiziledi.

Ýndistanda ólimge әkeletin Nipah virusy taralyp jatqanyn ayta keteyik.

Abai.kz