Qazaqstan Kólik ministrligining Azamattyq aviasiya komiytetining tóraghasy Saltanat Tompiyeva Halyqaralyq azamattyq aviasiya úiymynyng (IKAO) Bas hatshysy Huan Karlos Salazardyng sheshimimen IKAO-nyng Ghalamdyq elshiler baghdarlamasy ayasynda elshi bolyp taghayyndaldy.

Búl taghayyndau IKAO tarapynan Qazaqstan Respublikasyna kórsetilgen joghary senimdi bildiredi әri elding halyqaralyq azamattyq aviasiya kýn tәrtibin ilgeriletuge qosqan ýlesining moyyndaluy bolyp sanalady.

Qazaqstan ókili IKAO-nyng 56 memleketti biriktiretin Europalyq jәne Soltýstik Atlantikalyq ónirlik burosy (EUR/NAT) shenberinde irikteldi. Qazaqstannyng tandaluy elding IKAO-nyng 2026–2050 jyldargha arnalghan Strategiyalyq josparynda aiqyndalghan basymdyqtardy iske asyrudaghy belsendi әri tiyimdi rólin kórsetedi.

IKAO elshisi retindegi qyzmetinde Saltanat Tompiyeva azamattyq aviasiyany damytudyng negizgi baghyttary boyynsha, atap aitqanda aviasiya salasynyng ornyqty ósuin qamtamasyz etu, bilikti aviasiya mamandaryn dayarlau jәne tartu, sonday-aq saladaghy әielder men jastardyng qatysuyn keneytu mәseleleri boyynsha habardarlyqty arttyrugha ýles qosatyn bolady.

Azamattyq aviasiya komiyteti mәlimetinshe, atalghan qyzmet erikti negizde jәne Birikken Últtar Úiymy men IKAO-nyng tәuelsizdik, beytaraptyq jәne etika qaghidattaryn qatang saqtay otyryp jýzege asyrylady.

Qazaqstan Respublikasynyng Kólik ministrligi búl taghayyndau Qazaqstannyng jahandyq azamattyq aviasiya jýiesindegi belsendi rólin, sonday-aq ornyqty damu, inkluzivtilik jәne adamy kapitaldy damytu salasyndaghy halyqaralyq bastamalargha berik ústanymyn rastaytynyn atap ótedi.

Abai.kz