Býgin – Últtyq basylym kýni. 1913 jyldyng 2 aqpanynda Orynbor qalasynan «Qazaq» gazetining alghashqy sany jaryq kórip, oqushy qauymgha jol tartty. Onyng bastauynda Ahmet Baytúrsynúly, Álihan Bókeyhanúly, Mirjaqyp Dulatúly sekildi últ ziyalylary túrdy.

Qazaq ziyalylary qúrghan gazet últtyq janghyrudyng qaynar kózi boldy. «Qazaq» gazetining túnghysh sany jaryq kórgen kýn 2023 jyly «Últtyq basylym kýni» bolyp belgilendi.

Últ mýddesin qorghauda últtyq-sayasy minberge ainalghan «Qazaq» gazeti bolashaqqa degen úly múrat jolynda barsha halyqtyng basyn biriktirdi. Últtyq birlik pen yntymaqtyng eren ýlgisin kórsetip, qazaq qoghamynnyng ruhany kemeldenuine airyqsha yqpal etti.

Álemde bolyp jatqan jana trendterge qaramastan, merzimdi basylymdardyng jóni bólek, manyzy erekshe. Sol sebepti, últtyq mediany damytu, bәsekege qabiletti búqaralyq aqparat qúraldaryn qalyptastyru, jurnalisterding mәrtebesin arttyru – negizgi maqsattarymyzdyng biri.

Suret: kazgazeta.kz saytynan alyndy.

Býgin preziydent Qasym-Jomart Toqaev Qazaqstan jurnalisterin Últtyq basylym kýnimen qúttyqtady.

Memleket basshysy búqaralyq aqparat qúraldary Ádiletti Qazaqstandy qúrugha jәne qoghamda «Zang men tәrtip» qaghidatyn ornyqtyrugha eleuli ýles qosyp kele jatqanyna nazar audardy.

Preziydent merzimdi baspasóz ókilderin konstitusiyalyq reformany, sonday-aq tútas memlekettik jýieni týbegeyli janghyrtugha baghyttalghan basqa da auqymdy ózgeristerdi BAQ-ta jariyalau kezinde konstruktivti júmys isteuge ýndedi.

Qasym-Jomart Toqaev qúttyqtauynda patriotizm úghymyna jauapkershilik pen jasampazdyq túrghysynan qarap, zandy qúrmetteu arqyly egemendigimizdi jәne tәuelsizdigimizdi qorghau últy men dinine qaramastan әrbir otandasymyzdyng mindeti ekenin aitty.

Memleket basshysy otandyq jurnalister osynau asa manyzdy iske belsendi atsalysatynyna senim bildirip, olargha tolayym tabys pen baq-bereke tiledi.

Suret: baq.kz saytynan alyndy.

Aida Balaeva, QR Viyse-premieri, Mәdeniyet jәne aqparat ministri:

– Býgin – Últtyq basylym kýni. Búl kýnning otandyq merzimdi baspasóz tarihynyng bastauy sanaluy tegin emes. Sonau 1913 jylghy 2 aqpanda qazaq halqynyng birligining úiytqysyna ainalghan «Qazaq» gazetining alghashqy sany jaryq kórdi. Sodan beri gazetter men jurnaldar memleket pen azamattar arasyndaghy senimdi nyghaytugha, ashyq qogham qalyptastyrugha manyzdy ýles qosyp keledi.

Qazirgi uaqytta qazaqstandyq basylymdar agha buyn qalyptastyrghan sol iygi dәstýrdi layyqty jalghastyryp otyr. Jaqynda Memleket basshysy «Turkistan» gazetine bergen súhbatynda atap ótkendey, olar býginde «renessans kezenine» qadam basty.

Shynynda da, býginde últtyq baspasóz internet pen sifrlyq tehnologiyalardyng arqasynda auditoriyasyn keneytip, qayta janghyru dәuirin bastan ótkerude. Osylaysha, merzimdi basylymdar elding media kenistiginde manyzdy ornyn bekemdey týsti.

Últtyq basylymdardy qoldau Qazaqstan Respublikasy Mәdeniyet jәne aqparat ministrligi qyzmetining basym baghyttarynyng biri bolyp qala beredi.

Osy orayda, salada enbek etip jýrgen barsha azamattardy kәsiby merekemen shyn jýrekten qúttyqtaymyn!

Ádiletti Qazaqstandy qúrugha baghyttalghan reformalar men bastamalardy, manyzdy jobalardy halyqqa jetkizudegi kәsiby sheberlikteriniz ben әriptestik qoldaularynyz ýshin alghys bildiremin.

Sizderge shygharmashylyq shabyt, sarqylmas kýsh-quat, tolayym tabys tileymin!

Abai.kz