Qazaqstanda azamattardyng derekteri men aqshasyn úrlaghan qylmystyq top әshkerelendi. Olar SMS-blaster arqyly jalghan habarlamalardy jappay taratqan.

Qarjylyq monitoring agenttigining mәlimetinshe, arnayy operasiya Qazaqstan Respublikasynyng Bas prokuraturasynyng ýilestiruimen jәne «TELE2» úyaly baylanys operatorynyng kiyberqauipsizdik mamandarynyng qatysuymen jýrgizilgen. Ayta keterligi, TMD aumaghynda múnday alayaqtyq shemanyng joly alghash ret toqtatylyp otyr.

Tergeu barysynda kýdiktilerding SMS-blaster dep atalatyn arnayy qúrylghyny paydalanghany anyqtalghan. Búl qúrylghy úyaly baylanys operatorlarynyng bazalyq stansiyalaryn imitasiyalap, 300 metr radiusta quatty signal taratady. Sonyng nәtiyjesinde paydalanushylardyng telefondary avtomatty týrde jalghan әri qorghanysy әlsiz jelige qosylyp otyrghan, - dep habarlady vedomstvo.

Osy tәsil arqyly abonentterding telefondaryna jappay jalghan SMS-habarlamalar jiberilgen. Qúrylghy saghatyna 100 myngha deyin habarlama tarata alady jәne baylanys operatorlarynyng qorghanys jýielerin ainalyp ótedi.

Qylmystyq top óz әreketin jasyru jәne auqymyn keneytu ýshin jabdyqty avtokólikterge ornatyp, qozghalys kezinde paydalanghan. Ásirese adamdar kóp jinalatyn oryndar – bazarlar men sauda-oyyn-sauyq ortalyqtarynyng many tandalghan.

Alayaqtar habarlamalardy «Beeline» jәne «Halyk Bank» atynan jiberilgendey etip kórsetken. Onda bonustardy aiyrbastau úsynylyp, arnayy siltemege ótu súralghan. Siltemege ótken azamattar fishingtik sayttargha týsip, jeke derekterin – aty-jóni, telefon nómiri, bank kartasynyng derektemeleri, CVV-kod jәne SMS arqyly kelgen rastau kodtaryn engizgen, - delingen QMA habarlamasynda.

Osynyng nәtiyjesinde kýdiktiler azamattardyng qúpiya aqparaty men qarjysyn iyemdengen.

Jedel-izdestiru is-sharalary barysynda qylmystyq top shemany jýzege asyrudyng bastapqy kezeninde әshkerelenip, ústaldy. Búl kóptegen azamattardyng aldanuy men iri qarjylyq shyghyndardyng aldyn alugha mýmkindik bergen.

Qazirgi uaqytta tórt kýdikti qamaugha alyndy. Tergeu jalghasyp jatyr.

Abai.kz