Ukraina men Resey arasyndaghy soghys maydan shebinde ghana emes, energetika salasynda da barghan sayyn kýsheyip keledi. Songhy ailarda Ukrainanyng úshqyshsyz úshu apparattary Reseyding múnay óndeu infraqúrylymyna jýieli týrde soqqy jasap, eldegi janarmay óndirisine aitarlyqtay әser etti. Sonyng saldarynan Resey ishki naryqtaghy benzin tapshylyghyn enseru ýshin shetelden janarmay importtau mýmkindigin qarastyryp jatyr.

Saladaghy derekkózderding mәlimetinshe, Qazaqstan biyl shilde jәne tamyz ailarynda Reseyge jalpy kólemi shamamen 50 myng tonna AIY-92 jәne AIY-95 markaly benzindi gumanitarlyq kómek retinde jetkizu mýmkindigin talqylauda. Búl әzirge resmy týrde bekitilgen sheshim emes, biraq mәsele kýn tәrtibine shyqqany Reseydegi janarmay naryghynyng kýrdeli jaghdayyn anghartady.

Ashyq derekkózderge sýiensek, Reseyde 38 iri jәne 80-ge juyq shaghyn múnay óndeu zauyty júmys isteydi. Soghys bastalghannan beri olardyng edәuir bóligi birneshe mәrte dron shabuylyna úshyrady.

Sarapshylardyng baghalauynsha, iri múnay óndeu zauyttarynyng keminde 24-i týrli kezende óndirisin tolyq nemese uaqytsha toqtatugha mәjbýr bolghan. Búl kәsiporyndar Reseydegi benzin óndirisining shamamen 41 payyzyn jәne diyzeli óndirisining 44 payyzyn qamtamasyz etip kelgen.

Tek mausym aiynyng ózinde Ukraina Reseyding múnay óndeu salasyna qatysty 11 nysangha soqqy jasaghany habarlandy. Múnday shabuyldar óndiristing tómendeuine ghana emes, logistikalyq tizbekterding búzyluyna da әser etude.

Eng ýlken qiyndyqtardyng biri Mәskeu aimaghynda bayqalyp otyr. Resey astanasyn janarmaymen qamtamasyz etip kelgen negizgi tórt múnay óndeu zauytynyng bәri songhy ailarda shabuyldardyng saldaryn sezindi.

Olardyng qatarynda Niyjegorod oblysyndaghy «Lukoyl-Niyjegorodnefteorgsintez», Ryazani múnay óndeu zauyty, Yaroslavli múnay óndeu zauyty jәne Mәskeudegi «Kapotnya» múnay óndeu zauyty bar. Keybiri óndiristi uaqytsha toqtatsa, keybirinde jóndeu júmystary úzaq merzimge sozylyp otyr. Mәskeudegi «Kapotnya» zauytyna jasalghan birneshe shabuyldan keyin onyng júmysy jyldyng sonyna deyin toqtatylghany aityluda.

Múnday jaghday Reseyding eng iri tútynu naryghy sanalatyn Mәskeu aglomerasiyasynda janarmaymen qamtamasyz etu mәselesin kýrdelendirdi.

Resey ishki súranysty túraqtandyru ýshin syrttan benzin satyp alu núsqalaryn qarastyruda. Taraghan mәlimetter boyynsha, el shamamen 400 myng tonnagha deyin benzin importtaudy josparlap otyr. Onyng ishinde Ýndistannan shamamen 70 myng tonna, al Qazaqstannan 50 myng tonna jetkizu mәselesi sóz boluda.

Eger búl jospar jýzege assa, songhy jyldary múnay ónimderin eksporttaushy el retinde tanylghan Reseyding ózi benzin importyna tәueldi bola bastaghanynyng aiqyn belgisi bolmaq. Qazaqstannyng Reseyge janarmay jetkizui eng aldymen eki el arasyndaghy ekonomikalyq jәne energetikalyq baylanystar ayasynda qarastyryluy mýmkin. Degenmen múnday sheshim qabyldanar bolsa, eng manyzdy mәsele – ishki naryqtaghy túraqtylyqtyng saqtaluy.

Sarapshylardyng pikirinshe, Qazaqstan ýshin basty basymdyq – el ishindegi janarmay qory men bagha túraqtylyghyn qamtamasyz etu. Osy talap tolyq oryndalghan jaghdayda ghana syrtqy jetkizilimderdi úlghaytu mәselesi qarastyryluy mýmkin.

Ukrainanyng múnay óndeu zauyttaryna baghyttalghan shabuyldary Reseyding energetikalyq sektoryna eleuli qysym týsirip otyr. Búryn múnay ónimderin syrtqa eksporttaghan Resey endi ishki súranysty qamtamasyz etu ýshin kórshi memleketterding kómegine jýginuge mәjbýr bolyp otyr. Qazaqstannan benzin jetkizu turaly mәselening talqylanuy – osy ózgergen jaghdaydyng kórinisi. Alayda múnday sheshim qabyldansa da, onyng kólemi, sharttary jәne naqty mәrtebesi resmy organdardyng mәlimdemeleri arqyly ghana týpkilikti naqtylanatynyn eskergen jón.

Abai.kz