Qazaqstan Preziydenti Qasym-Jomart Toqaev VI Dýniyejýzilik kóshpendiler oiyndarynyng jenimpazdary men jýldegerlerin marapattady, dep habarlaydy Aqordanyng baspasóz qyzmeti.

«Álemning 100-den astam elinen kelgen sportshylarmen sayysqa týsip, halqymyzdyng atynan abyroymen óner kórsettinizder, Otanymyzdyng kók bayraghyn kókte jelbirettinizder. Últtyq qúramamyz otandastarymyzdyng ýmitin tolyqtay aqtady dep kәmil aita alamyn. Memleket basshysy retinde barsha Qazaqstandy jigerlendirgen osy jenisteriniz ýshin sizderge shynayy rizashylyghymdy bildiremin. Býkil halqymyz sizderge jankýier bolyp, shyn jýrekten tileulerinizdi tiledi», — dedi ol.

Tәuelsizdik sarayynda ótken saltanatty sharada Memleket basshysy sportshylar men bapkerlerdi Dýniyejýzilik kóshpendiler oiyndaryndaghy tabysty ónerlerimen qúttyqtady. Ol qúramanyng joghary sheberligin jәne elimizding últtyq sport týrlerindegi bedelin arttyrugha qosqan ýlesin atap ótti.

Sonymen qatar Preziydent últtyq qúramanyng jalpy eseptegi jenisi býkil el ýshin ýlken maqtanysh bolghanyna toqtaldy.

«Oyyn qorytyndysy boyynsha qazaqstandyq sportshylar 74 medali jenip alsa, onyng 32-si — altyn. Búl tabys halqymyzdyng qaysar minezinin, biyik ruhynyng jәne jeniske degen mýltiksiz erik-jigerining aiqyn dәleli boldy. Sózsiz, sporttyng eng basty missiyasy — ózara qúrmet pen qoldaudy qalyptastyru, sonday-aq halyqtar arasyndaghy dostyqty nyghaytu. Búl dýbirli sporttyq oqigha joghary dengeyde úiymdastyrylyp, onyng nәtiyjeleri de әdil boldy. Osyghan baylanysty Qyrghyz Respublikasynyng Preziydentine rizashylyghymdy bildirgim keledi», — dedi Toqaev.

Memleket basshysy býginde býkil әlemning nazary týrki halyqtaryna auyp otyrghanyn aityp, osy jarysty odan әri damytu men tanymal etu ýshin kýsh biriktiruge shaqyrdy.

«Qazaqstan búl ortaq iske әrdayym óz ýlesin qosugha dayyn. Babalarymyzdyng eki bauyrlas halyqqa qaldyrghan eng baghaly múrasy — ózara qúrmet pen mәngilik dostyq. Biz búl dana ósiyetti qasterleuimiz kerek. Biz — Úly dala sivilizasiyasynyng zandy múragerimiz. Qaharman babalarymyz bizge úlan-ghayyr jerdi amanat etti, óz dәstýrleri men ruhany qúndylyqtaryn tabystady. Osy asyl qazynany kózding qarashyghynday saqtap, keleshek úrpaqqa amanattau — bәrimizge ortaq paryz. Búl qasiyetti missiyany biz ishki mәdeniyetimizdi, joghary әdebimiz ben parasatymyzdy saqtay otyryp oryndauymyz qajet», — dedi ol.

Preziydent Qazaqstan bolashaqqa baghdarlanghan, aiqyn maqsaty men jospary bar últ retinde qarqyndy damyp kele jatqanyn basa aitty.

«Bәrimiz, sonyng ishinde últtyq sportpen ainalysatyn jastar, basqa da sportshylar, memlekettik qyzmetshiler men biznesmender, dәrigerler men múghalimder, studentter men ghalymdar, júmysshylar men basshylar, әskery qyzmetshiler men týrli organ qyzmetkerleri joghary mәdeniyettilik, ústamdylyq, ishki sabyrlylyq tanytyp, bos sóz ben maqtanshaqtyqtan aulaq boluymyz kerek. Tek sonda ghana biz shynymen de ozyq qogham qúra alamyz», — dep atap ótti Toqaev.

Memleket basshysy últtyq sport týrlerin damytu Ýkimet pen әkimdikterding eng manyzdy mindetterining biri ekenin aitty.

«Qazirgi tanda búl salada 30-dan astam arnayy mekeme júmys isteydi. Astanada Últtyq sport uniyversiyteti ashyldy. Búl joghary oqu orny sport salasyndaghy kadrlardyng kәsiby dengeyin kóteruge sheshushi ýles qosady dep senemiz. Últtyq jәne at sporty týrleri ortalyghy da óz júmysyn oidaghyday bastap ketti. Elimizde jyl sayyn qazaq kýresi, toghyzqúmalaq, asyq atu, kókpar, bәige jәne basqa da sport týrlerinen mynnan astam jarys ótedi. Túraqty týrde Últtyq sport týrleri festivali, «Aq biday» auyl oiyndary, «Qazaqstan barysy» turniyri úiymdastyrylady. Eng bastysy, últtyq sport týrlerining mәrtebesi zannamalyq týrde olimpiadalyq sport týrlerimen tenestirildi. Býginde qazaq sportynyng bedeli búryn-sondy bolmaghanday joghary jәne múny býkil әlem moyyndaydy. Sportshylarymyz әrdayym ýzdikter qatarynan kórinedi. Tayauda ghana bizding danqty sportshymyz Elena Rybakina tennis boyynsha әlemning birinshi raketkasy atandy. Búl — shynymen de tarihy әri aituly jetistik. Men Elena Rybakinany qúttyqtap, onyng enbekqorlyghyn, sheberligin jәne jeke mәdeniyetining joghary dengeyin erekshe atap óttim», — dedi ol.

Preziydent otandyq sporttyng qazirgi jetistikteri Ýkimet pen tiyisti ministrlikting jýieli әri dәiekti júmysynyng nәtiyjesi ekenin jetkizdi. Sonymen qatar, әli de sheshimin tabuy tiyis mindetterding az emestigine toqtaldy.

«Qazaqstanda kóptegen halyqaralyq jarystar ótkizilip keledi. Búryn-sondy bolmaghan dәstýrli sport pen sifrlyq tehnologiyalardy toghystyrghan «Bolashaq oiyndary» biyl Astanada tabysty ótti. Kelesi jyly elordamyz birden jeti әlem chempionatyn qabyldaydy. Aldymyzda auqymdy júmys túr, biraq búl halyqaralyq sharalardyng barlyghy elimizding halyqaralyq bedeli men abyroyyn nyghaytu ýshin óte qajet. Al 2029 jyly Almatyda X Qysqy Aziya oiyndary ótedi. Osy iri turnirlerding barlyghyn eng joghary dengeyde úiymdastyruymyz kerek», — dedi Toqaev.

Sózining sonynda Memleket basshysy sportshylar jenisining ósip kele jatqan jas úrpaqty jigerlendirudegi manyzdy rólin atap ótti.

«Jastar sizderge qarap boy týzeydi, búl — ýlken mәrtebe әri zor jauapkershilik. Jenimpaz, chempion bolu — bir basqa, al ainalandaghylargha ýlgi bolyp, chempion degen atqa tolyqtay layyq bolu — bir basqa. Jastardyng boyynda qaysarlyq pen tózimdilikti ghana emes, sonymen birge olardy әdeptilikke, mәdeniyettilikke jәne tәrtipke baulu óte manyzdy. Tek osylaysha bizding jastarymyzdyng deni de, ruhy da sau bolady», — dep týiindedi Memleket basshysy.

Abai.kz