Tramptyng saylau turaly ritorikalarynan song әlemdik sarapshylar: «Ukrainany Zelenskiyden song kim basqaruy mýmkin» degen súraqqa jauap izdey bastady.

Boljaldy ýmitkerler de belgili. Olardyng barlyghy derlik ala-bóten adamdar emes. Ukraina ýshin ayanbay enbek etken, Ukraina qoghamynda abyroy-bedeli bar túlghalar. «Newsweek» sarapshylary Zelenskiyding ornyn basuy mýmkin nemese oghan bәsekeles boluy mýmkin 4 basty túlghany atap jazypty. Olar:

Boljaldy ýmitker – Valeriy Zalujnyi

Zalujnyy eng yqimal túlghalardyng kóshin bastap túr. Ukrainanyng búrynghy Bas qolbasshysy (2021-2024 jyldar aralyghy). Resey basqynshylyghy bastalghan sәtten bastap jaumen tabandap kýresken, Kiyev týbine jetken basqynshylardyng betin qaytarghan adam. Ukrainanyng «Últ batyry». Qazir Ukrainanyng Úlybritaniyadaghy elshisi qyzmetinde jýr.

Ártýrli reytingterde qazirgi preziydent Zelenskiyge basty opponent retinde dәl osy Zalujnyy atalyp jýr. Dese de, reytingtegi liyder Zelenskiy bolyp qaluda. Al boljaldy ýmitkerlerding ishinde Zalujnyidyng kórsetkishteri Zelenskiyge jeteqabyl.

Zalujnyy da Resey ýshin qolayly túlgha dey almaymyz. Ózi de әskerdi tizgindep túrghanda: «Resey – Ukrainanyng basty jauy. Al jaumen eng ayaghyna deyin soghysyp qana jenuge bolady», - dep aitqan. De-fakto – Zalujnyidy Reseyding әskeriy-sayasy biyligi «jau» dep sanaydy.

Boljaldy ýmitker – Kirill Budanov

Onan song reytingte túrghan adam – Kirill Budanov. Qazir Budanov Ukraina Preziydenti Kensesining bastyghy. Búghan deyin Syrtqy barlaudy basqarghan. Respondentterding 53 payyzgha juyghy Budanovqa senetindikterin aitqan. Dese de, salystyrmaly týrde Budanovtyng mýmkindigi Zelenskiy men Zalujnyidan әjeptәuir tómen.

Budanov ta qarajayau adam emes. Reseyge qarsy tendessiz әskery operasiyalardy úiymdastyrghan. Úiymdastyryp qana qoymay, sol operasiyalargha ózi tikeley qatysqan. Solardyng birsypyrasy:

«Qyrymgha jasalghan joryqtargha» ózi qatysqan. Okkupasiyadaghy Qyrymda ornalasqan jaudyng «S-400» sekildi joyqyn qarularyn talqandap, Qyrym kópirin soqqylap, diyversiyalyq shabuyldar jasaghan. «Qara teniz operasiyasy» kezinde teniz drondary arqyly Reseyding Qara teniz flotyna shabuyldaghan. Reseyding tylyna drondarmen shabuyldap, «Tu-22M3» nemene «DRLO A-50» sekildi Reseyding qymbat әri joyqyn tehnikalaryn órtegen. Reseyge qarsy ondaghan joyqyn operasiyany josparlap, әzirlep, iske asyrghan Budanovty Kremlidegiler Zelenskiy men Zalujnyidan da qatty jek kóretinin jasyrmaydy.

Boljaldy ýmitker – Mihail Fedorov

Ukrainanyng búrynghy Qorghanys ministri. Aldynghy ýshtikpen salystyrghanda Fedorovty qoldaushylar sany azdau. Degenmen, Ukraina preziydenttigine ýmitkerlerding biri sanalady.

Fedorov – «dron soghysynyng arhutektury» sanalady. Ukraina armiyasyn jappay robottandyrugha bәs qoyghan da, «dron armiyasyn» jasaqtaghan da dәl osy Mihail Fedorov. Ol bastap, qolgha alghan dron әskeri – qazir Ukrainanyng basty kózirlerining birine ainalyp otyr. Sol ýshin de Kremli Kiyevting bas kensesinen kórgisi kelmeytin, Kremli ýshin qolaysyz adamdardyng biri – osy Mihail Fedorov.

Boljaldy ýmitkeri – Petr Poroshenko

Petr Poroshenko Ukrainanyng búrynghy preziydenti. Zelenskiyge deyin eldi osy Poroshenko basqarghan. Zelenskiymen saylaugha týsip, eki turda aiqasqan. Aqyry Zelenskiy jenip, Poroshenko Jogharghy Rada deputaty atanghan.

Soghys bastalghaly-beri Poroshenko әskerdi bir kisidey-aq qoldap keledi. Arnayy qor qúryp, әskerge qajetti kerek-jaraqtar men tehnikalar jetkizip berude. Týrli tiptegi drondar, radioelektrondy kýres qúraldary men barlaugha kerek tehnikalar, jýk kólikteri, brondy tehnikalar t.b. satyp alyp, armiyagha berude. Búdan bólek, Ukraina qalalaryn jylytqysh generatorlarmen jabdyqtauda.

Petr Poroshenko da qatang antiyreseylik pozisiyadaghy adam. Ol preziydent bolyp túrghan kezde de, Jogharghy Rada deputaty bolghan kezde de Reseyge sayasi-ekonomikalyq qysymdy arttyrudy tabandap túryp talap etken.

Poroshenko «Eurointegrasiya» jolyn ústanushy. Reseymen Ukriana arasyndaghy әskery baylanystardy alghash bolyp ýzgen de, Ukraina-Resey arasyndaghy әriptestik shartyn toqtatqan da, Ukraina shirkeuin Mәskeu patriarhatynan bólip alghan da, Ukrainadaghy BAQ-ta alghash bolyp orys tiline shekteu engizgen de osy Poroshenko edi.

Osylardy eskere otyryp, әlemdik sarapshylar: «Ukrainada Zelenskiyden keyin kim preziydent bolsa da, Ukraina endi Reseyge qayta bas iymeydi», - degen qorytyndyny aitady.

Núrgeldi Ábdighaniyúly

Abai.kz