Sәrsenbi, 18 Qarasha 2026
Janalyqtar 42 0 pikir 18 Qarasha, 2026 saghat 15:37

Qazaqstan qorghanys zauytyn satylymgha qoydy

Suret: sauda.e-qazyna.kz saytynan alyndy.

«Qazaqstan injiniring» últtyq kompaniyasy «Semey injiniring» AQ-nyng 100% aksiyasyn satylymgha shyghardy. Tankterdi jóndep, janghyrtumen ainalysatyn zauytpen birge satyp alushygha 339 birlik eski bronidy tehnika, sonyng ishinde 177 T-72 tanki beriledi.

Lot materialdaryna sәikes, zauyt 70,8 mlrd tengege baghalanghan. Búl somanyng tórtten ýsh bóligine juyghy, yaghny 52,8 mlrd tengesi tehnikagha tiyesili. Olardyng qatarynda tankterden bólek 104 jayau әskerding jauyngerlik mashinasy (BMP-1), 35 bronetransporter (BTR-70) jәne 23 bronidy barlau-sholghynshy mashinasy (BRDM-2) bar.

Tehnika zauytqa sonau 2013 jyly berilgen. Sodan beri qarajat bolmaghandyqtan birde-bir ret jóndeu jýrgizilmegen. Mashinalar songhy ret 2017–2018 jyldary tek kózben sholyp tekserilgen, aqaularyn anyqtau ýshin tolyq diagnostika jasalmaghan. Demek, satyp alushy naqty jaghdayy eshkimge belgisiz bronidy tehnikanyng ýlken qoymasyna ie bolady.

Zauyt 2025 jyldy 105 mln tenge shyghynmen japty. Reseyden keletin qosalqy bólshekter qymbattap ketken, mәselen keybir qozghaltqyshtardyng baghasy 18 mln-nan 54 mln tengege deyin, yaghny ýsh esege ósken. Búghan qosa, Qorghanys ministrligi jóndeuge kelisimshartta kórsetilgennen әldeqayda nashar kýidegi tehnikany jii jiberedi. Búryn zauyt búl shyghyndardy óz esebinen jauyp kelse, endi tapsyrys berushimen sottasudy oilastyryp otyr. «Semey injiniring» ónirdegi tankter men ózge de bronidy tehnikany tolyq jóndep, janghyrta alatyn jalghyz kәsiporyn bolyp qala berude.

Jana iyesi bir jyl ishinde aksiyalardy qayta sata almaydy jәne zauyttyng qorghanys baghytyn saqtaugha mindetti bolady. Sonday-aq oghan jalaqy men salyq boyynsha bereshekterdi óteuge tura keledi. Zauyt jylyna 53 emes, 100 birlik tehnika jóndeui ýshin ony janghyrtugha taghy shamamen 1,5 mlrd tenge investisiya salu qajet.

Eske salayyq, qarasha aiynyng basynda «Qazaqstan injiniring» Petropavldaghy Kirov atyndaghy zauytty 9,1 mlrd tengege saudagha shygharghan bolatyn. Onyng týsimining 80%-gha juyghyn әskery tapsyrystar men qos maqsattaghy ónimder qúraydy. Odan da erterek Petropavl auyr mashina jasau zauyty satylymgha qoyylghan edi. Onyng búrynghy bas diyrektory 2024 jyly Qorghanys ministrligine arnalghan «Tochka-U» zymyran keshenderin jóndeu isi boyynsha para alghany ýshin 11 jylgha bas bostandyghynan aiyrylghan.

Abai.kz

0 pikir