Senbi, 21 Qırküyek 2019
46 - söz 2398 0 pikir 5 Mamır, 2014 sağat 11:57

Otarsızdandır ılmağandıqtarıñızben!

Bodandıq qamıttı üzip şıqqan kez-kelgen memleket aldımen "birtindep otarsızdanu" sayasatın jürgizedi. Onıñ eki türi bar. Birinşi - ekonomikalıq otarsızdanu. YAğni, metropoliya iemdenip kelgen wlttıq baylıqtı memleketke qaytarıp alu. Ekinşisi - ruhani otarsızdanu. YAğni, tarihi aqtañdaqtarğa ädil bağa berip, tarihtı wlttıq müdde twrğısınan jazu. Bizde osı eki istiñ ekeui de jürgizilmedi. Jürgizilse de kemşin twsı köp. Mısalı, ekonomikada - igiligin metropoliya körgen wlttıq baylıq sol küyinde qaldı nemese önimdi bölisu turalı şarttı halıqtan jasırıp, şetelge qayta satıldı. Al ruhani otarsızdanu boyınşa - qazaq tarihı añız-äfsanağa negizdeldi. Tipti, elimizdiñ tükpir-tükpirinen tabılıp jatqan arheologiyalıq qazbalardı menşiktey almay, osı dalada qaysıbir ğasırda ömir sürip- joğalıp ketken bizge qatıssız taypalarğa jatqızıp keldik. Ekinşi düniejüzilik soğıs taqırıbı - Resey közqarasınan aynımay berilip keldi. Wlttıq müddeni közdegen wstazdardıñ jağasına - şäkirtteri jarmasıp jatır. 

Endi tarih oqulığın Resey men Qazaqstan tarihşıları birigip jaza bastadı. Bwl jerde - Reseydiñ imperiyalıq ambiciyası qazaq tarihşıların tağı da twnşıqtırıp tastaytını sözsiz. Al bir aydan soñ - atın Euraziyalıq Ekonomikalıq Odaq dep özgertken wlı metropoliyağa qoş kelipsiz!
Otarsızdandırılmağandıqtarıñızben, gospoda!

Toqtar Jaqaş

0 pikir