Astana qalasynda Qazaqstan Respublikasy memlekettik basqaru jýiesining reformasyna sәikes birneshe ministrlik pen agenttikting negizinde janadan qúrylghan Investisiyalar jәne damu ministrligining alqa mәjilisi ótti. Onda Ministrlikting ótken jeti aidaghy isi qortyndylanyp, bolashaq josparlary ortagha salyndy. 300-den astam adam qatysqan búl jiynnyng baghdarlamasynda kórsetilgendey jiyngha qatysushylardyng jәne  bayandamashylardyng barlyghy qazaq azamattary. Alty adam bayandama jasady. Jiyn bastan ayaq tek orys tilinde ótti.

Bayandamashylardan basqa bir adamgha sóz berilmedi. Osy kezde «Memlekettik til» qoghamdyq qozghalysynyng tóraghasy, belgili qogham qayratkeri Múhtar Shahanov mikrofongha baryp bylay dedi: IYsekeshev myrza, sizge súraghym bar. Osynda qatysyp otyrghandardyng bәrine býgingi alqa mәjilisining júmys jospary taratylyp berildi. Jospar týgeldey orys tilinde jazylghan. Memlekettik tilde bir auyz sóz joq. Tym qúrysa, býgingi jiyndaghy bir bayandama memlekettik tilde bolmady. Tóralqada otyrghandar da jiyngha qatysushylar da qazaq azamattary. Búl memlekettik tildi mensinbeu emes pe? Endi myna mәselege nazar audaralyq. Respublikamyzdaghy telearna baghdarlamalaryndaghy memlekettik til 50 payyzdan kem bolmauy kerek. Biraq keybir telearnalardaghy memlekettik tilde habar taratu 25, 20 tipti 15 payyzgha deyin qúldyraghan. Tórt ministrlikting basyn qosqan, óziniz basqaratyn jana ministrlik aldaghy kezde de memlekettik tildi moyyndamay ma, nemese eldik, últtyq mýdde biyiginen kórinuge qam jasauy mýmkin be?

Búl súraqqa Investisiyalar jәne damu ministri Áset IYsekeshev bylay dep jauap qayyrdy: «Súraghynyz da, talabynyz da óte oryndy. Búdan bylay ministrliktegi barlyq jiyndar tek memlekettik tilde ótetin bolady!» Ministrding sózin jinalghan qauym du qolshapalaqpen qarsy aldy.

Ile-shala osy jinalys turaly keybir sayttarda qazaq, orys tilderinde  «Múhtar Shahanov Investisiyalar jәne damu ministrligining júmysyn syngha aldy» degen maqala jaryq kórip, әleumettik jelilerde qyzu talqylana bastaghan edi. Kelesi kýni týgeldey alynyp tastalypty. Bireulerge únamaghan shyghar. Biraq, shyndyq әr kezde saltanat qúruy kerek emes pe?

Erkinbek SERIKBAY

Abai.kz