Jyl sayyn ÚBT kezinde eske týsetin oqigha.

Men bala kýnnen joghary oqu ornyn Almatyda oqimyn dep oilaytynmyn. Ekinshi oy bolghan emes. Biraq, dәl mektepti bitirgen jyly onyng arman ghana ekeni belgili boldy. Otbasynda - jalghyzbyn. Anam ghana. Ýlken kisini (onyng ýstine sol jyly dimkәstanyp jýrgen bolatyn) tastap qayda ketemin? Tarazda oqityn boldym.

Biz mektep bitirgenshe ÚBT shyqty. Aldyn-ala baryp, tapsyryp jýrgende 105-110 ball alyp jýrdim. Mektep jyldary matematikadan, geografiyadan, tarihtan, til-әdebiyetten qalalyq, oblystyq jarystargha, respublikalyq olimpiadalargha qatysyp jýrdim. Uayym joq. Dayynmyn.

Sonymen - Sot Kýni de keldi))). Kirdik keng zalgha. Kónil alabúrtyp, jýrek atqaqtap túr. Súraqtargha kóz jýgirtsem, bәrin biletin sekildimin. "Bilemin" degen jaman ghoy. Erkinsip otyrdym. Jan-jaghyma qarap, bas iyzep amandasyp qoyamyn. Kóktemgi shiyedey móldiregen súlular kóp eken. Soryma qaray, eng súluy mening artyma otyrypty. Otyrghanda da ondyrmapty: siyreni iyisti әtiri men alqyzyl kóilegi arbap otyr... On alty-on jetige kelgen kezi...

Áueli qara qaghazgha jazdyryp, keyin tazasyna kóshirtetini bar edi ghoy. Áuelgisin jazyp qoydym. Artymdaghy qyzgha qarayyn desem, moyynym qarysyp, búrylar emes. Bozbalalyq sindromy. Dәl sol kezde "Keshiriniz..." degen túnyq dauystyng estilmesi bar ma?!. Sol - siyreni iyisti әtirding iyesi. Jalt qaradym. "Keshiriniz, "Tabu" degenning ne ekenin bilesiz be?". "Bilemin! - búrylyp aldym". "Al evfemizm degen she, keshiriniz..", "Keshiriniz. Syrym Datúly bastaghan kóterilis..."... Ne kerek, bilgenimdi bilgendey, bilmegenimdi - kózimmen kórgendey aityp jatyrmyn, aityp jatyrmyn...

"15 miynót qaldy!" degen dauys qana esimdi jighyzdy. Al, jantalasyp tazasyna kóshirip jatyrmyn. Bir kezde qarasam, tarihtykin әdebiyetke, әdebiyettikin tariyhqa belgilep tastappyn. Úshyp túryp, baqylaushygha baryp, basqa paraq súradym. Bermedi, berushi me edi!?. Únjyrgha týsken. Aqynnyng týbine súlular jetedi ghoy týbi... Naqtyraq - súlulyqqa ghashyqtyq.

Syrtqa shyqtym. "Qalay boldy, balam?" degen anamnyng sózine birinshi jauabym: "Armiyagha ketemin!". Ne kerek, sonymen, ýige qayttyq. Apam tabighatynan sabyrly kisi: "Kelesi jyly tapsyrasyng ghoy, uayymdama". Al men: "Oqymaymyn, oqymay-aq әdebiyetti bilemin". Búlay deuimning sebebi, toghyzynshy synyptan filosofiyany oqimyn dep dayyndalghan edim. Alayda, Tarazda ol kezde ony oqytatyn fakulitet joq. Qyrsyghyp túrghanym sol.

Qorytyndysy shyqty kelesi kýni: 72 ball. 73 ball alghandar - grantqa týsipti. Men - siyreni iyisine arbalghan parasatsyz - kreditke ))) Keyin grantqa auystyrdy, ýitti-býitti. Al siyreni iyisti әtirding iyesin sodan keyin kórgen joqpyn. Almatyda oqyghan shyghar.

Solay. Talapkerlerge aitarym: ÚBT-men ómir bitpeydi, kerisinshe - dәl sol jerden bastalady. Tipti sәtsizdikting ózinen - baqyttyng úshqyny kórinui mýmkin.

Kóbirek ghashyq bolyp, azyraq óleng jazynyzdar.

Erlan Jýnis

www.facebook.com