Erteng Euraziyalyq ekonomikalyq odaqty qúru turaly shartqa qol qoyylady. Jyldyng manyzdy qújatyna qol qoyylar kýn aldynda  Elbasy Núrsúltan Nazarbaev qújatty әzirleuge atsalysqan ýkimet mýsheleri men jauapty organdardyng basshylaryn qabyldap, atqarylghan isterdi pysyqtady. Búl turaly Baq.kz habarlady.  

 Shart 4 bólim, 28 tarau, 118 maqala jәne 32 qosymshadan túrady. Onyng әrbir tarauy men beti múqiyat zerdelengen. Shartta ýsh taraptyng da mýddesi tolyq qarastyrylghan. Otandyq kәsipkerlerding mýddesi qorghalyp, kәsibinen nәsip tabugha barlyq jaghday jasalghan. Elbasy tarihy tamyrlas kórshi eldermen alys-beris artatyndyghyn qadap aitty.

Núrsúltan Nazarbaev, Qazaqstan Respublikasy Preziydenti: 

- Kóp nәrse istelindi, kóp nәrseden óttik. Elding arasynda týsindiru júmystary jaqsy jýrip jatyr dep oilaymyn. Ony әri qaray jalghastyru kerek. Barlyghy kelisilgen, saraptan ótip jatyr. Qújattyng әrbir sóilemi, abzasy saraptamadan ótui kerek. Ol onay júmys emes. Elimizge múnyng paydasy bar. Búl odaq bir kýn emes, bir jyl emes, úzaq merzimde jasalyp jatyr. Biz ýshin sayasi, ekonomika jaghynan tiyimdi bolghan song baryp otyrmyz.  Búl el, halyq ýshin ýlken mәsele, sondyqtan týsindire biluimiz kerek. Búl әsheyin baryp bireumen kelissózge otyru emes. Bizde tenizge shyghatyn jol bolmaghandyqtan, mynaday kelissóz bolmasa, jaghday qiyn bolady. Biz tenizge Resey arqyly qansha myndaghan shaqyrym jýruimiz kerek. Eger temirjol, kólik tarifteri tómendeytin bolsa, bizding tauarlarymyzdyng bәsekelik qabileti joghary bolady. Ekinshi mәsele, kórshilermen ekonomikalyq baylanys osylay tyghyz bolsa, kórshilerdin, bizding de ishi-syrtymyz tynysh bolady. Ýshinshiden, tauarlarymyzdyng naryghyn, biznesti shyndauymyz kerek.  

«Myngha tarta betten túratyn qújatta Qazaqstannyng barlyq mýddeleri eskerilgen. Eng bastysy Qazaqstannyng egemendigi, shekara tútastyghy men túraqty damuyna núqsan kelmeydi», – deydi ýkimet mýsheleri. Sebebi búl – sayasy emes, ekonomikalyq birlestik.

  Ministrler kabiynetining ókilderi qújat barlyq últtyq mýddelerge say әzirlengenin aitty. 

Kәrim Mәsimov, QR Premier-Ministri: 

- Birinshiden, Qazaqstan sayasy tәuelsiz el bolyp qala bermek. Búl – siz qoyghan basty maqsat. Esesine, Qazaqstannyng damuyna qosymsha ekonomikalyq mýmkindik berilip otyr. Kelisimshartta kópsalaly sayasat mýmkindigi de eskerilgen. Búl odaqtan basqa, biz DSÚ-gha kiru jónindegi kelissózderdi jalghastyrudamyz. 

Baqytjan Saghyntaev, QR Premier-Ministrining birinshi orynbasary:

- Býginde memleketishilik rәsimderdi jýrgizu bitti. Ýkimetting tiyisti qaulysy qabyldandy. Qazir shartyng jobasy Preziydent әkimshiligine qos tilde engizildi. Sizding ústanymyndarynyzdy basshylyqqa ala otyryp, júmys barysynda shart jobasy boyynsha ekonomikalyq yntymaqtastyq sheginen shyghatyn azamattyqqa, qúqyqtyq kómek, shekarany qorghau, ortaq parlament, vizalyq sayasat, eksportty baqylau, kóshi-qon, qorghanys, qauipsizdik, densaulyq saqtau, bilim beru, ghylym jәne mәdeniyetke baylanysty erejeler alynyp tastalyndy.

Abay-aqparat