..."Mening atym Qojany" úmytpaghan shygharsyzdar? Oqu jyly bastalar aldynda bala Qoja kitap almaq bolyp dýkenge tartpaushy ma edi?

Dýkenning aldy qaraqúrym halyq. "Qant alamyn" dep qulyqqa basqan "qara kójenin" obrazyna eluge kelgende enem dep ýsh úiyqtasam týsime kirmepti. Bәri de Aslan myrzanyng "arqasynda"! Bilim ministrin aitamyn. Sol kisining "shapaghatymen" balalyq shaqqa bir sayahat jasap qayttym býgin...

...Tang azannan túryp "Atamúrany" jaghalap, nemereme oqulyqtar satyp aldym. Aghylshyn kitabyn "Almatykitaptan" alu kerek eken. Bir dana kitapqa bola barmay-aq qoyayyn dep edim, ayaq astynan pysyqtyghym ústap... Álgi dýkenning aldy "qojadaghyday" qyrghyn kezek! Sәrinjipov "BIYL EShKIM OQULYQ SATYP ALMAYDY" dep edi. Mynausy nesi? "Bir kitapqa bola túramyn ba?" dep keri búrylghanym sol edi, jetegimdegi nemerem qighylyqty salghany. 
- Ata! Apay erteng úrsady ghoy. Balalardyng bәrinde bar búl kitap...
Boldy! Atasynda jan bar ma? Qojanyng qulyghy búl jerde jýrmeytinin týsinemin. Ishte qant satyp jatqan da eshkim kórinbeydi. Almatynyng janbyrynyng astynda biraz túrdym. Jay túrghanym joq. Qulyq oilap túrmyn. Qojadan qay jerim kem eken? Soqpaqbaev ta óz agham!.. Bir oidyng sap ete qalghany. Shegip túrghan temekimdi urnagha asyghys tastap, kezekting aldynda kóldey bolyp kóldeneng túryp alghan orys әielge jetip bardym.
- Qazir ghana temeki sheguge shyghyp edim... Ishte de kezek... Onyng ýstine aua jetpey...
Etjendi әiel maghan bir, nemereme bir qarap shetke yghysty. Art jaqtaghy júrttyng shuyna qaramay kirdim -au әiteuir! Álgi jalghyz oqulyqty izdep jýrgenmin. Tereze tyqyldady. Syrtta kezekte túrghan bir kelinshek kózi jәudirep, әinekting syrtynan qarap túr. Qaghazgha jazylghan әldebir oqulyqtardy "ala shyq" dep ymdaydy. Sirә, mening "qoja qulyghymdy" bayqap qalghan siyaqty. Ózimning alatynym bir ghana oqulyq. Oghan da ala salayyn dedim. Nem ketedi? Bәrin alyp, kezekke túrghanym sol edi, syrttan taghy signal týsti. Búl jolghynyng kózi tipti ayanyshty. Tizimin әinekke japsyryp, mólie qalypty. Amal joq, ony da aldym. Jәne bireui ótindi. Onyng da kónilin qaldyrmadym. Taghy da biraz jәudir kózding sauabyna qalar ma edim? Kezektegiler ala kózderimen atyp, kýnkildey bastamaghanda...
...Artynyp, tartynyp shyqqan meni syrttaghy jәudir kózder "halyq batyrynday" qarsy alghany da ras. Tipti bireui betimnen sýiip aldy-au deymin!.. Búl da Aslan myrzanyng "arqasynda" deymin de. Almatynyng janbyrynyng astynda býrseng qaghyp, Aslangha aldanyp, oqulyqtyng kezeginde túrghandar bizge qyzygha qarap túrdy.

Arman Sqabylúly, facebook-tegi paraqshasynan