Mәskeuge alghash kelgende qazaq qúrbymnyng jataqhanasynda uaqytsha túrdym. Qúrbym, omandyq arab qyz, men, qysqasy, ýsheumiz ýsh aiday birge ómir sýrdik. RUDN-ge magistraturagha oqugha týskenim turaly búiryq shyqty da, men óz uniyversiytetimning jataqhanasyna auystym. 
...Omandyq qyz dýkennen qústargha arnayy kýrish, qaraqúmyq, basqa dәnder satyp әkeletin. Keyin qústargha arnayy dәn satyp әkelu bizding de әdetimizge ainaldy. Qoldan dәn jep ýirengen qústar bizding terezemizding qasynan ketpeytin. Namazyn oqyp bolghan arab qyz: «Búlar da namaz oqidy. Men namaz oqyp jatqanda olar әn saldy ghoy. Sol sәtte namaz oqydy» dep kýlimsirep, qústargha dәn beretin. Jataqhanada siriyalyq arab jigit túratyn. Adam retinde óte jaqsy jigit. Mening netbugymdy tegin jasap berdi. Ekinshi ret noutbugyma programma ornatqanda úrsyp jýrip, «aqshany almasanyz, eshqashan sizben sóilespeymin» dep jýrip, aqshany aldyrttym. Qúrbyma da bir-eki ret tegin jasap berdi, qúrbym da úrsyp jýrip, aqshany aldyrtty. Ol jigit bólmemizge mening ne qúrbymnyn, bolmasa, arab qyzdyng kompiuteri búzylghanda ghana keletin, biraq eshqashan din turaly aityp, uaghyz oqymaytyn. Tek Siriyada bolyp jatqan sayasiy-diny jaghdaylargha ózining narazylyghyn bildirip, qynjylatyn. Bayqaghanym, arab qyz da, arab jigit te bir-birin adamgershilik túrghydan qatty syilaydy. Týisigimmen arab qyz ashyp aitpasa da, sezimderin sezip qoydym. «Ol – bilimdi, jaqsy jigit. Ásiredinshil emes. Sol jigitke túrmysqa shyqqyng kelmey me?» dep súradym bir kýni. «Onyng óte jaqsy adam ekenin bilem. Biraq maghan súltan Kabus rúqsat etpeydi» dedi arab qyz. Búl kezde biz qúrbym ekeumiz súltan Kabustyng kim ekenin jaqsy bilip alghanbyz. Omannyng biyleushisi ghoy. «Sen basqa últqa emes, arabqa túrmysqa shyghasyng ghoy» desem, «Súltan Kabustyng jarlyghy boyynsha tek qana omandyq arabqa túrmysqa shyghugha tiyispin» deydi. Tipti basqa últqa týgili, últy bir, biraq memleketi basqa (ústanyp otyrghan «diny sayasaty» basqa) arabqa túrmysqa shyghugha tyiym salghan. 
Bizge de qazaq qyzdarynyng basqa últqa túrmysqa shyghuyna tyiym salatyn, qazaq pen qazaqtyng oryssha sóileuine tyiym salatyn, on qazaqtyng ortasynda bir orys bolsa, sol ýshin on qazaqtyng tilin búrap, oryssha sóileuine tyiym salatyn bir súltan Kabus kerek-aq!

Ayagýl Mantay.

(Áleumettik jeliden)