Jwma, 21 Aqpan 2020
Kübirtke 3541 0 pikir 1 Qaraşa, 2015 sağat 17:25

TAYÇIBEKOV TAYRAÑDAYDI, AL WLTŞILDAR NEGE QILMISKER?

Astana qalalıq prokuraturası «Antigeptil» qozğalısınıñ müşesi,  qoğamdıq belsendi, Bolatbek Bilälovtiñ üstinen «wltaralıq arazdıqtı qozdırdı» degnen ayıp tağıp, qılmıstıq is qozğağan. Bwl turalı «abai.kz» portalı Azattıqqa silteme jasay otırıp habarlaydı.

Qoğamdıq belsendi Bolatbek Bilälovtiñ Azattıqqa bergen aqparattarına süysensek, Astana policiyası Bilälovtiñ üyine tintu jürgizip, üstinen qılmıstıq is qozğalğanın jetkizgen. Birneşe sağat tintu jürgizgen soñ policiya qızmetkerleri onıñ üyinen keybir qwjattar men elektrondıq derekter saqtalğan komp'yuter, mobil'di telefon jäne basqa da zattarın alıp ketken ketken (http://www.azattyq.org/archive/news/20151030/330/330.html?id=27335409).

Bolatbek Bilälov, qoğam belsendisi:

– Tañerteñ üyime kelgen policiya qızmetkerleri tintu jürgizuge berilgen qaulını körsetip, meniñ üstimnen QR Qılmıstıq kodeksiniñ 174-babınıñ 1-tarmağı boyınşa, yağni  äleumettik, wlttıq, rulıq, näsildik, qauımdıq nemese dini alauızdıqtı qozdıru boyınşa qılmıstıq is qozğalğanın habarladı. Olardıñ aytuınşa, qılmıstıq is qozğauğa meniñ äleumettik jelilerdegi jazbalarım men video materialdarım negiz bolğan.  Policeyler mağan Facebook, YouTube äleumettik jelilerde jariyalağan «orıs faşizmi», «qazaq wltşıldığı», «Şebskladtağı oqiğa hronikası» turalı jäne t.b. materialdarıma qatıstı tergeu amaldarı bastalğanın ayttı.

Esteriñizde bolsa, däl osınday küdikpen, wltaralıq arazdıqtı qozdıruşı ayıbı tağılğan qos birdey qoğam belsendisi Ermek Narımbaev pen Serikjan Mämbetalindi qwqıq qorğauşılar 12-qazan küni qamauğa alğan bolatın. Keyin anıqtalğanday, qwzırlı organdağılar belsendilerdiñ üstinen QR Qılmıstıq kodeksiniñ 174-babınıñ 1-tarmağı boyınşa is qozğağan. Ol kezde de policeyler tintu kezinde jeke noutbuk, modemder men qwjattardı tärkilegen.

Hoş delik. Qazaqstanda wltaralıq, äleumettik arazdıqtı qozdıruşılar jazalanuı tiis, eger ayıptaular ädil däleldenetin bolsa. Egemendiktiñ erteñi üşin, beybitşilik pen tatulıq qanımızğa siñgen kez kelgenimiz Ata – Zañnan attap kete almaytınımız ras.  Biraq, osı twsta işimizdi tırnaytını bizdiñ eldegi qalıptasqan protekciyaşıldıq, jebirlik ındını men  ädildik degen qasietti wğım qanşalıqtı saqtalıp jatır?

Qazaqstanda birin-biri mensinbeytin, moyındamaytın eki top bar ekenin bilesizder. Mine, sol eki toptıñ biri – qazaq wltşıldarı bolsa, biri – «orıs wltşıldarı». Dälirek aytsaq, reseyşil top.

Orıs wltşıldarı etnikalıq jağınan birtekti  emes ekeni de ras. Olardıñ arasında qazaqtıqqa qırın qaraytın wltı qazaq äleumettanuşılar men sayasattanuşılar da köp. Mısalı, Qazaqstandı Reseydiñ qwramında körgisi keletin, keşegi keñestik ker qoğamnıñ qayta qwrıluın añsaytın – Ermek Tayçibekov osı toptıñ saqası dersiñ.

Alayda, közimiz körip otırğanday qazaq wltşıldarına ğana tisi batatın QR Ükimeti men prokuraturası – äleumettik jelilerde Qazaqstannıñ memlekettik territoriyasın talan-tarajığa salıp, şekaramızğa şüyligip, Qazaqstandı Resey Federaciyasınıñ bodanı boluğa ündep jürgenderge jügen saludıñ ornına jaq tırıstırıp, mılqaudıñ küyin keşe qalatını tağı ras. Äytpegende, äleumettik jelilerde Qazaqstannıñ soltüstik öñirlerine köz alartqan, tipti SQO-nı, Bayqoñırmen qosa Resey territoriyasına qosıp jibergen posttar jazılğanda QR Bas prokuraturası men WQQ qanday şaralar qoldandı? Orıs wltşıldarınıñ şovinistik piğıldarı, tek qana BAQ-ta ğana emes, kino kartinalarında da birneşe märte körinis taptı. Mısalı, jaqında ğana reseylik rejisser, Kamedi klubınıñ rezidenti Tair Mamedov Almatını Resey qwramına qosıp jiberdi (http://abai.kz/post/view?id=5141). Keyin özderiniñ geografiyadan sauatsız ekendikterin moyındap, keşirim swrap qwtıldı. Bwl şovinistik häm arandatuşılıq äreket üşin ädiletti jaza ma?  Bwl birinşi märte qaytalanıp otırğan joq. Özderin «Russkie evropeycı» dep ataytın jaña wltşıl küşter Qazaqstannıñ soltüstik bes oblısın Reseyge qaytarudı talap etetin mälimdeme tarattı (http://archive.turkystan.kz/articles/view/34739).

Oralda Naurız meyramında Resey bayrağı jelbiredi (http://archive.turkystan.kz/articles/view/34739). Almatı oblısı Wyğır audanında joq memlekettiñ tuı köterildi (http://zhasalash.kz/saraptama/1832.html).

Osınday ospadar äreketterge QR Bas prokuraturası qanday şara qoldandı?

Al Qazaqstannıñ territoriyalıq twtastığına kümän keltirip, soltüstik öñirlerdi annekciyalau turalı bastama kötergen Jirinovskiy bastağan wltşıldarğa qanday şara qoldanıldı. Jä, Jirinovskiyge Qazaqstan aumağına kiruge tıyım salınğanımen, onıñ sözin söylegen, Limonov, Minçenkolarğa äli de auızına kelgen qwsığan tögip jürgen joq pa? Tipti, Qazaq memleketi bolmağan dep kökigen Prezident Putinniñ özi Qazaqstanğa keluge, kieli topıraqtı taptauğa tiisti emes edi. Ätteñ, Qazaqstannıñ qwqıq qorğau organdarı ekonomikalıq twrğıda körşilerge täuelsiz bolmağanda, wlttıq namısımızdı taptap, territoriyamızğa talasıp otırğandar tiisinşe jazalanar ma edi?

Kerisinşe wlttıq mañızı bar mäselelerdi kötergen qazaq wltşıldarı bas kötere qalsa boldı, kisi öltirgen qılmıskerdi quğanday,  kisen ala jügiru qwqıq qorğauşılar üşin qalıptı siyaqtı.

Memlekettik til märtebesin köterip jürgen Mwhtar Şahanovtan bastap birqatar qazaq wltşıldarın halıq jauına aynaldırıp jiberdi.  Ötken jolı oppozicioner Serikjan Mämbetalin men qoğamdıq belsendi Ermek Narımbaevtardı qamadı. Joq, biz bireudi aqtap, bireudi jaqtağalı otırğan joqpız. Kinäsi däleldense hoş. Endi mine, prokuratura şınjırı Resey zımıranınan şaşılğan udan qırılıp qalğan kiikterdiñ joğın joqtap, Protonnıñ wşırıluına toqtau izdep jürgen azamat Bolatbek Bilälovtiñ qolına salındı. Temir torğa toğıtıluı tiistiler tayrañdap jürgende qwqıq qorğau salası men Qazaqstan biligi qazaq wltşıldarınan qılmısker jasauğa mıqtap kirisip ketkenge wqsaydı. Bwl ädiletti me?

Nwrgeldi Äbdiğaniwlı

abai.kz

 

 

0 pikir