Jwma, 13 Jeltoqsan 2019
Bilgenge marjan 2951 0 pikir 29 Qañtar, 2016 sağat 12:31

ŞAĞIN BIZNES BASTAUŞILARĞA KEÑES

365info.kz portalı ukrainalıq Netpeak internet-marketing agenttiginiñ jetekşisi Artem Bordatyukpeon birlesip, öz isin jañadan bastağandar men täjiribeli käsipkerlerge arnalğan aqıl-keñesterin äzirledi.

Internet arqılı biznes wyımdastıru — qay salanı alsaq ta öte tiimdi ädis. 9 million adamdı qamtitın qazaqstandıq auditoriyanı esepke alsaq mwnday biznes jolınıñ ösimi eñ jıldam jäne äleueti zor.

Artem Borodatyuk, Netpeak internet agenttiginiñ jetekşisi:

1. Bärin sanmen ölşeñiz

Eger siz sayt aşsañız — onıñ qwnı qanşa, ol sayt arqılı saudanı qanşalıqtı arttıruğa bolatının esepteuiñiz kerek. Eger internetke jarnamañızdı berseñiz — ol jarnamanıñ naqtı qanşa satılım, tranzakciya men tabıs beretinin esepteuiñiz kerek.

2. Sayttı ünemi damıtıp otırıñız

Köp käsipker sayttı jasap bolğannan keyin is bitti dep oylaydı. Bwl — qatelik. Sayt jasau — offlayn saudadan onlayn saudağa qaray jasalğan alğaşqı qadam ğana. 2013 jıldıñ qorıtındısı boyınşa, Qazaqstandağı barlıq sauda-sattıqtıñ 1,2 payızı internettiñ ülesine tiisti. Salıstıru üşin ayta ketsek, Wlıbritaniyada bwl körsetkiş 12 payızdı qwraydı., yağni, äli kem degende 10 esege deyin ösim boluı mümkin.

3. Jaña qwraldardı paydalanıp köriñiz

Internette biznesiñizge qatıstı türli saualnamalar jürgizip köriñiz. Sol arqılı öziñizdiñ biznesiñizge säykes keledi-au degen bir nemese birneşe qwraldardı tañdañız. Ärine, ne isteseñiz de eñ aldımen tabıs tabudı közdeuiñiz kerek.

4. Orta bizneske aynaldıruğa tırısıñız

Şınında da däl solay. Köşbasşı bolu üşin alğa qaray wmtılu kerek. Aldıñızğa jaña maqsat qoyıñız. Internette AB-test jürgizu mümkindigi bar: saytıñızdıñ qoldanuşıları jartısı sizdiñ internet-dükeniñizdiñ jaña dizaynın köredi, qalğan jartısı eski dizaynın ğana köredi. Osılayşa qaysısında sauda köbirek jüretinin bilip, tañdaudı soğan tüsiruge boladı.

5. Brend jasauğa tırısıñız

Özi isiñizdiñ atın şığaruğa tırısıñız. Mwnday jağdayda SEO, PPC (män-mätin arqılı jarnamalau), email-marketing (arzandığı jağınan eñ tiimdi ädis) köp nätije bere aladı. Saytqa tikeley kiruşiler ülesi arta tüsedi äri adamdar saytıñızğa köz üyrete bastaydı.

Wlttıq elektrondıq sauda-sattıqtıñ erekşelikteri

Qazaqstandıq internet paydalanuşılarınıñ 11 payızı internet arqılı qızmet üşin esep ayırısadı, tağı 11 payızı internet arılı tauar satıp aladı.

Qazaqstandıqtardıñ internette jasaytın saudası 90 payızğa juığı şeteldik internet-dükenderinde jasaladı.

Qazaqstanadğı e-commerce narığınıñ basım böligi «Air Astana» men «Qazaqstan temir jolı» AQ-na tiesili.

Köbinese bannerlik jarnamanıñ ülesi basım.

Internet-jarnama – jarnama narığınıñ 4 payızın qwraydı.

Qazaqstandağı e-commerce narığınıñ kölemi 400 million dollardan asadı.

Jıldıq ösimi 100 payızdı qwraydı.

Narıqtıñ 2015 jılğa arnalğan boljamı — 3,5 milliard dollar (bükil narıqtıñ 5,1 payızı, 11 million twraqtı qazaqstandıq satıp aluşılar).

Onlayn arqılı sauda-sattıq körsetkişteri:

Qolma-qol aqşa – 57%
Tölem kartaları – 17%
Terminaldar – 14%
Çekterdiñ ortaşa soması – 57 dollar

Abai.kz

0 pikir