بەيسەنبى, 14 قاراشا 2019
بىلگەنگە مارجان 2881 0 پىكىر 29 قاڭتار, 2016 ساعات 12:31

شاعىن بيزنەس باستاۋشىلارعا كەڭەس

365info.kz پورتالى ۋكراينالىق Netpeak ينتەرنەت-ماركەتينگ اگەنتتىگىنىڭ جەتەكشىسى ارتەم بورداتيۋكپەون بىرلەسىپ، ءوز ءىسىن جاڭادان باستاعاندار مەن تاجىريبەلى كاسىپكەرلەرگە ارنالعان اقىل-كەڭەستەرىن ازىرلەدى.

ينتەرنەت ارقىلى بيزنەس ۇيىمداستىرۋ — قاي سالانى الساق تا وتە ءتيىمدى ءادىس. 9 ميلليون ادامدى قامتيتىن قازاقستاندىق اۋديتوريانى ەسەپكە الساق مۇنداي بيزنەس جولىنىڭ ءوسىمى ەڭ جىلدام جانە الەۋەتى زور.

ارتەم بوروداتيۋك، Netpeak ينتەرنەت اگەنتتىگىنىڭ جەتەكشىسى:

1. ءبارىن سانمەن ولشەڭىز

ەگەر ءسىز سايت اشساڭىز — ونىڭ قۇنى قانشا، ول سايت ارقىلى ساۋدانى قانشالىقتى ارتتىرۋعا بولاتىنىن ەسەپتەۋىڭىز كەرەك. ەگەر ينتەرنەتكە جارناماڭىزدى بەرسەڭىز — ول جارنامانىڭ ناقتى قانشا ساتىلىم، ترانزاكتسيا مەن تابىس بەرەتىنىن ەسەپتەۋىڭىز كەرەك.

2. سايتتى ۇنەمى دامىتىپ وتىرىڭىز

كوپ كاسىپكەر سايتتى جاساپ بولعاننان كەيىن ءىس ءبىتتى دەپ ويلايدى. بۇل — قاتەلىك. سايت جاساۋ — وففلاين ساۋدادان ونلاين ساۋداعا قاراي جاسالعان العاشقى قادام عانا. 2013 جىلدىڭ قورىتىندىسى بويىنشا، قازاقستانداعى بارلىق ساۋدا-ساتتىقتىڭ 1,2 پايىزى ينتەرنەتتىڭ ۇلەسىنە ءتيىستى. سالىستىرۋ ءۇشىن ايتا كەتسەك، ۇلىبريتانيادا بۇل كورسەتكىش 12 پايىزدى قۇرايدى.، ياعني، ءالى كەم دەگەندە 10 ەسەگە دەيىن ءوسىم بولۋى مۇمكىن.

3. جاڭا قۇرالداردى پايدالانىپ كورىڭىز

ينتەرنەتتە بيزنەسىڭىزگە قاتىستى ءتۇرلى ساۋالنامالار جۇرگىزىپ كورىڭىز. سول ارقىلى ءوزىڭىزدىڭ بيزنەسىڭىزگە سايكەس كەلەدى-اۋ دەگەن ءبىر نەمەسە بىرنەشە قۇرالداردى تاڭداڭىز. ارينە، نە ىستەسەڭىز دە ەڭ الدىمەن تابىس تابۋدى كوزدەۋىڭىز كەرەك.

4. ورتا بيزنەسكە اينالدىرۋعا تىرىسىڭىز

شىنىندا دا ءدال سولاي. كوشباسشى بولۋ ءۇشىن العا قاراي ۇمتىلۋ كەرەك. الدىڭىزعا جاڭا ماقسات قويىڭىز. ينتەرنەتتە AB-تەست جۇرگىزۋ مۇمكىندىگى بار: سايتىڭىزدىڭ قولدانۋشىلارى جارتىسى ءسىزدىڭ ينتەرنەت-دۇكەنىڭىزدىڭ جاڭا ديزاينىن كورەدى، قالعان جارتىسى ەسكى ديزاينىن عانا كورەدى. وسىلايشا قايسىسىندا ساۋدا كوبىرەك جۇرەتىنىن ءبىلىپ، تاڭداۋدى سوعان تۇسىرۋگە بولادى.

5. برەند جاساۋعا تىرىسىڭىز

ءوزى ءىسىڭىزدىڭ اتىن شىعارۋعا تىرىسىڭىز. مۇنداي جاعدايدا SEO, PPC ء(مان-ءماتىن ارقىلى جارنامالاۋ), email-ماركەتينگ (ارزاندىعى جاعىنان ەڭ ءتيىمدى ءادىس) كوپ ناتيجە بەرە الادى. سايتقا تىكەلەي كىرۋشىلەر ۇلەسى ارتا تۇسەدى ءارى ادامدار سايتىڭىزعا كوز ۇيرەتە باستايدى.

ۇلتتىق ەلەكتروندىق ساۋدا-ساتتىقتىڭ ەرەكشەلىكتەرى

قازاقستاندىق ينتەرنەت پايدالانۋشىلارىنىڭ 11 پايىزى ينتەرنەت ارقىلى قىزمەت ءۇشىن ەسەپ ايىرىسادى، تاعى 11 پايىزى ينتەرنەت ارىلى تاۋار ساتىپ الادى.

قازاقستاندىقتاردىڭ ينتەرنەتتە جاسايتىن ساۋداسى 90 پايىزعا جۋىعى شەتەلدىك ينتەرنەت-دۇكەندەرىندە جاسالادى.

قازاقستانادعى e-commerce نارىعىنىڭ باسىم بولىگى «Air Astana» مەن «قازاقستان تەمىر جولى» اق-نا تيەسىلى.

كوبىنەسە باننەرلىك جارنامانىڭ ۇلەسى باسىم.

ينتەرنەت-جارناما – جارناما نارىعىنىڭ 4 پايىزىن قۇرايدى.

قازاقستانداعى e-commerce نارىعىنىڭ كولەمى 400 ميلليون دوللاردان اسادى.

جىلدىق ءوسىمى 100 پايىزدى قۇرايدى.

نارىقتىڭ 2015 جىلعا ارنالعان بولجامى — 3,5 ميلليارد دوللار (بۇكىل نارىقتىڭ 5,1 پايىزى، 11 ميلليون تۇراقتى قازاقستاندىق ساتىپ الۋشىلار).

ونلاين ارقىلى ساۋدا-ساتتىق كورسەتكىشتەرى:

قولما-قول اقشا – 57%
تولەم كارتالارى – 17%
تەرمينالدار – 14%
چەكتەردىڭ ورتاشا سوماسى – 57 دوللار

Abai.kz

0 پىكىر