Senbi, 21 Qırküyek 2019
Jañalıqtar 2370 0 pikir 28 Säuir, 2016 sağat 16:28

AQŞ RESEYDİÑ «QARA TİZİMİNE» QARSI

Resey «Islam memleketi» (IM) jäne «äl-Qaida» terrorlıq toptarımen baylanısı bar degen küdikpen siriyalıq «Djeyş äl-Islam» jäne «Ahrar äl-Şam» köterilisşiler tobın BWW Qauipsizdik Keñesiniñ «qara tizimine» engizudi wsındı.

Reseydiñ 27 kökekte bergen ötinişin qauipsizdik keñesiniñ 15 eldiñ ökilinen twratın IM jäne «äl-Qaida» jönindegi komiteti qoldasa, 11 mamırda küşine enedi. Reseydiñ BWW-dağı twraqtı ökili Vitaliy Çurkin: «Bwğan Siriyada soğısıp jatqan osı wyımdardıñ terrorlıq wyımdarmen, onıñ işinde DAIŞ (IM) jäne «äl-Qaidamen» tığız baylanısı turalı derekterdiñ köp boluı sebep boldı», — dep mälimdedi.

BWW janındağı Vaşington missiyası bwl Siriyadağı soğıs qimıldarın toqtatuğa bağıttalğan äreketterdi älsiretui mümkin dep sanap, bwl wyımdardı «qara tizimge» qosudan aulaq boluğa keñes berdi.

Amerikalıq missiyanıñ ökili Edgar Vaskez:«“Djeyş äl-Islam” jäne “Ahrar äl-Şam” sekildi soğıs qimıldarın toqtatu erejesine moyınwsınğan eki toptı tizimge qosu jergilikti jerdegi şielenisti basuğa bağıttalğan äreketterimiz ben oq atudı toqtatu boyınşa qimıldarğa ornı tolmas zardap äkeledi», — dep mälimdedi.

Vitaliy Çurkin bwl toptardıñ bitimgerlikti saqtap otırğanına jäne Jenevadağı beybit kelisimderge üles qosıp jatqandarına kümän keltirdi. Bwl toptar «qara tizimge» engizilgen jağdayda olarğa qatıstı oq atpau tärtibi jürmeydi jäne olar beybit kelissözderge qatısa almaydı.

Abay-aqparat

0 pikir