جۇما, 29 ناۋرىز 2024
جاڭالىقتار 4404 0 پىكىر 28 ءساۋىر, 2016 ساعات 16:28

اقش رەسەيدىڭ «قارا تىزىمىنە» قارسى

رەسەي «يسلام مەملەكەتى» (يم) جانە ء«ال-قايدا» تەررورلىق توپتارىمەن بايلانىسى بار دەگەن كۇدىكپەن سيريالىق «دجەيش ءال-يسلام» جانە «احرار ءال-شام» كوتەرىلىسشىلەر توبىن بۇۇ قاۋىپسىزدىك كەڭەسىنىڭ «قارا تىزىمىنە» ەنگىزۋدى ۇسىندى.

رەسەيدىڭ 27 كوكەكتە بەرگەن ءوتىنىشىن قاۋىپسىزدىك كەڭەسىنىڭ 15 ەلدىڭ وكىلىنەن تۇراتىن يم جانە ء«ال-قايدا» جونىندەگى كوميتەتى قولداسا، 11 مامىردا كۇشىنە ەنەدى. رەسەيدىڭ بۇۇ-داعى تۇراقتى وكىلى ۆيتالي چۋركين: «بۇعان سيريادا سوعىسىپ جاتقان وسى ۇيىمداردىڭ تەررورلىق ۇيىمدارمەن، ونىڭ ىشىندە دايش (يم) جانە ء«ال-قايدامەن» تىعىز بايلانىسى تۋرالى دەرەكتەردىڭ كوپ بولۋى سەبەپ بولدى»، — دەپ مالىمدەدى.

بۇۇ جانىنداعى ۆاشينگتون ميسسياسى بۇل سيرياداعى سوعىس قيمىلدارىن توقتاتۋعا باعىتتالعان ارەكەتتەردى السىرەتۋى مۇمكىن دەپ ساناپ، بۇل ۇيىمداردى «قارا تىزىمگە» قوسۋدان اۋلاق بولۋعا كەڭەس بەردى.

امەريكالىق ميسسيانىڭ وكىلى ەدگار ۆاسكەز:«“دجەيش ءال-يسلام” جانە “احرار ءال-شام” سەكىلدى سوعىس قيمىلدارىن توقتاتۋ ەرەجەسىنە مويىنۇسىنعان ەكى توپتى تىزىمگە قوسۋ جەرگىلىكتى جەردەگى شيەلەنىستى باسۋعا باعىتتالعان ارەكەتتەرىمىز بەن وق اتۋدى توقتاتۋ بويىنشا قيمىلدارعا ورنى تولماس زارداپ اكەلەدى»، — دەپ مالىمدەدى.

ۆيتالي چۋركين بۇل توپتاردىڭ بىتىمگەرلىكتى ساقتاپ وتىرعانىنا جانە جەنەۆاداعى بەيبىت كەلىسىمدەرگە ۇلەس قوسىپ جاتقاندارىنا كۇمان كەلتىردى. بۇل توپتار «قارا تىزىمگە» ەنگىزىلگەن جاعدايدا ولارعا قاتىستى وق اتپاۋ ءتارتىبى جۇرمەيدى جانە ولار بەيبىت كەلىسسوزدەرگە قاتىسا المايدى.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3621