Týnde tas qylyp, sezimge mas qylyp qybyrlamay , jybyrlamay qúshaqtap jatqanmyn. Tanerteng túrsam, ketip qalypty! Betime maykisin jauyp ketipti! Onbaghan dese! IYiskep jatsyn degeni ghoy! «Siriyagha kettim, poka!» dep til hat ta jazyp ketipti! Ornymnan túra salyp, balalarymnyng arasyn qaradym, joq, kәstrolding ishin qaradym, joq, әjethananyng ishinde joq! Zym-ziya! Meshitke baryp, namaz oqityn, biraq shalbarynyng balaqtaryn kesip tastamaghan edi...

Jýregim sezedi, toshna Siriyagha ketip qaldy! Til hat jazghany beker emes! «Islam memleketi» degen jalghan atpen tanylghan teris úiym qúramyna qosylu ýshin Siriyagha ketse, myna eki balany kim asyraydy, oibay? Meshitte jýrgen uahabisterding aldap-arbauyna týsti!

O, bayymdy qoynymnan suyryp әketken, uahabister! Kindiktering ainalyp, mandaylaryna shyqsyn! Tildering salandap, tizelerine jetsin! Qansha qazaqtyng taghdyryna túz qúidyndar, sender! Qansha qazaq soghys órti tútanghan Siriyada qaza boldy!

Dereu jinalyp, nervim qozyp, qinalyp, audandyq meshitting bas imamyna keldim. Ol kisi jaydary qarsy aldy. –Ketip qaldy! –dedim salghan jerden.

–Kim ketip qaldy?

–Aspandaghy aiym, qoynymdaghy bayym!

–Saqalbay ma?

–Ótken aptada saqalyn qyzyl krәskige boyap tastap edim, soghan ókpelep jýr me, ketip qaldy.

–Bilmedim, shyraghym...

–Sizder ne bilesizder osy? Shetel missionerlerining iyek astynda jýrgenderin de kórmeysizder! Gazette solay jazyp jatyr! Davay, bayymdy tauyp beriniz!

–Men qaydan tabamyn, joghalyp ketken adamdy?

–Osymen tórtinshi ret baygha tiydim. Bәri Siriyagha ketip qala beredi! Ekeui sol jaqta óldi. Tauyp beriniz deymin! –Jylama, kelin, jylama! Tiyisti mekemelerge barsanshy.

–Olar maghan tauyp bere qoyady dep oilaysyz ba? –dedim de, meshitten shygha jóneldim. Abysyndarym kýletin boldy. Dúshpandarym syrtymnan «ýretin» boldy! «Bayy ketip qalyp edi, artynan izdegen de joq, taghy bir baygha tiyip alady da!» degen sózge qalmas ýshin audandyq salyq mekemesining bastyghyna kirdim.

–Ketip qaldy... –dedim jylamsyrap.

–Kim?

–Ómirdegi sýieuim, qoynymdaghy kýieuim...

–Qayda ketti? Onyng bizge qatysy qansha? Ne, salyq tólemey qashyp jýr me?

–Siriyagha! Jihad bolmaqshy jeksúryn!

–Onyng salyqqa qanday qatysy bar?

–Qayday bileyin, barmaghan jerim joq... Sizge de kire salayyn dep... Keshiriniz, –dedim de, kabiynetinen shygha jóneldim. Sosyn audandyq órt són-dirushiler mekemesining bastyghyna keldim.

–Ketip qaldy! –dep jyladym.

–Ýiiniz órtenip, eneniz ana dýniyege ketip qaldy ma? –dep súrady ol.

–Jaghynyz qaryssynshy... Enem jaqsy adam. Kýieuim ketip qaldy!

–Prokuraturanyng aldynda órtendi me ne?

–Órtenip ólse abyroy ghoy! Siriyagha ketip qaldy!

–Siriyanyng órt sóndirushilerge qanday qatysy bar? Týsinebedim?

–Men de týsinbey kelip otyrmyn ghoy!–dep kabiynetinen jylay shyqtym! Áli jylap jýrmin! Qazaq bauyrlarym-ay! Adaspanyzdarshy! Ózge dinning uyn ishpenizdershi! Ózge elde ólgenshe, óz elinde elbeng qaghyp jýrinizdershi! Osylay ýide enirep otyrsam, kýieuim kirip kele jatyr! Sóitsem, joghalyp ketken siyrymyzdy izdep jýr eken ghoy! Sauatsyz dese! «Siyrgha ketim.» dep te jaza ma? Osyny da bir mektepting bildey múghalimi deydi au! Jylap otyrghanymda moynymnan iyiskep qoymaydy ghoy ózi, ei, qúryp ketshi ary!

Múhtar Sherim

Abai.kz