Jwma, 14 Tamız 2020
COVID-19 QAZAQSTANDA. Jwqtırğandar — 101848. Jazılğandar — 78633. Qaytıs bolğandar — 1269
Käsip-tübi näsip 4395 0 pikir 24 Naurız, 2016 sağat 14:05

INE-JİPTEN IGİLİK IİRGEN İSMERLER

 

 

Narıq zañı qoğamnan bäsekege qabiletti boludı talap etedi jäne bwl önerkäsip örisiniñ örkendeuine, käsipkerlikti qoldauğa baylanıstı ekendigi mälim. Qazirgi kezde elimizde käsipkerlikti qoldauğa barınşa köñil bölinip otır. Soğan säykes «käsibim – näsibim» deytin azamattar qatarı köbeyip keledi. Onıñ işinde qazaqtıñ wlttıq qolönerinde bwrınnan bar ismerlik käsipti tañdağandar da jeterlik.   

 Qolöner salasınıñ şeberi, darındı suretşi, üzdik keskindemeşi Irina Bäkirova – tiginşilikpen aynalısıp jürgen atıraulıq käsipkerlerdiñ biri. Onıñ aytuınşa, büginginiñ adamına bir käsip azdıq etedi. YAğni, twraqtı jwmıstan tüsetin tabısqa ğana senip otıra beruge bolmaydı.

- Dağdarıs pen damudı qatar keşken qoğam tek taza eñbek pen ünemşildikke ğana iek artuı tiis dep oylaymın. Sondıqtan, toqıma önerkäsibine öz ülesimdi qosqım keledi. İsmerlik öner  şığarmaşılıq qabilet pen asqan tözimdilikti qajet etedi. Şükir, qazir toqıma jwmısın jeñildetetin türli şeteldik qwral-jabdıqtar jeterlik. Kädimgi kir juğış maşina sekildi barlıq qızmetti bir özi atqaratın tigin qwrılğıları bar. Toqımaşığa tek matanı nığızdap, ine men jipti dayındap otıru ğana qaladı. Köylektiñ bir böligin toqu üşin tigin maşinasında tizilip twrğan 400 ineden qırıq ineni mwqiyat sanap alu qajet. Zamanaui tehnikada qazir avtomattı eseptegişke deyin ornatılğan. Ol toqıma öniminiñ wzındığı men enin aldın ala ölşep beredi, - deydi Irina.

Jañadan käsip aşqısı keletinder üşin jeñil önerkäsip — taptırmaytın biznes közi. Bwl — köp uaqıtın toqımaşılıq käsipke arnağan tağı bir tiginşi Ğaliya Mwqanovanıñ pikiri. «Elbasınıñ özi käsipkerler el önerkäsibine öz ülesin qosu kerektigin ayttı emes pe? Bwl üşin jergilikti käsipkerlerge köp bolıp qoldau bildiruimiz qajet. Bir sät şeteldiñ arzanqol ala-qwla kiimine wmtıla bermey, özimizdiñ qazaqı oyumen örnektelgen kiim-keşegimizdi kisek, nesi jaman? Kerisinşe, wlttıq kiimmen birge boyımızğa wlttıq ruhtı siñiremiz» deydi Ğaliya.

Esteriñizge sala keteyik, bıltırğı Ükimettiñ keñeytilgen otırısında Prezident N.Nazarbaev otandıq öndiruşilerdi qoldauğa şaqırğan bolatın. Osıdan keyin el boyınşa «Qazaqstanda jasalğan» jalpıwlttıq akciyası bastaldı.  Qazirgi küni barlıq sauda jelilerinde satılatın qazaqstandıq önimder közge birden tüserdey körsetip qoyılğan. Otandıq öndiruşilerdiñ tauarın satıp alğısı keletin azamattarğa bwl öte qolaylı. Bwl qazaqstandıq tauar öndiruşilerdi qoldauğa äri twrğındardı elimizde şığatın tauarlar jöninde «bizderde mınaday bar, mınaday bar» degendey habardar etuge bağıttalğan. Bastamağa  qazir memlekettik organdarmen qatar, wlttıq kompaniyalar, qoğamdıq wyımdar men jastar qozğalıstarı  kelip qosıluda.

Oblıs ortalığında bwrınğı Keñes däuirinen beri qızmet etip kelgen Twrmıs üyi qazir «Önerpaz» jauapkerşiligi şekteuli seriktestigi retinde köpşilikke jaqsı tanıs. Elimiz täuelsizdigin alğan twsta bwl mekemeni atıraulıq käsipker Äliya Bekqojieva öz basşılığına alğan bolatın. Mine, toqsanınşı jıldardağı toqırau twsında täuekelge bel buıp, öz isin bastap ketken osınday käsipkerler Atırauda jeterlik. Bwl jerden soñğı ülgidegi sırt kiimder, küzgi, qısqı mausımğa arnalğan trikotajdıq önimder şığadı. Osındağı trikotaj cehınıñ meñgeruşisi Qalış Qabdollieva tehnikanıñ soñğı ülgileri sanalatın «SilverReed-SR 280», «SilverReed-SK-840» toqıma qwrılğıların erkin meñgergen.

- Keyde bir jip üzilse, bütin şaruağa kedergisin tigizedi. Bwl käsipti wrşıqşa iirip ketu üşin qoldıñ ikemdiligi öte qajet. Bükil jwmıstı stanokqa artıp qoyuğa bolmaydı. Tehnikanıñ atı tehnika, ol adam qolın almastıra almaydı. Şağın käsibin toqımaşılıqtan tapqan adamnıñ  közi de qırağı bolu kerek. Qazir aynalañızğa köz jügirtseñiz, adamdardıñ bärinde twraqtı jwmısımen qatar şağın bir käsibi bar ekenin köresiz. Demek, bwl –  uaqıt talabı. Kiim-keşek bügin-erteñ sännen şığadı, tozadı, al onı tiguşi mamandardıñ öneri – mäñgilik, - deydi ol.

Iä, o zamannan näpaqasın tört tülik maldan taba bilgen qazaq üşin qolöner jat emes. Sonıñ ayğağı retinde, ata dästürdiñ şırağın söndirmey, keleşekke jalğap otırğan wrpaq bar büginde. Endeşe, ine-jipten igilik iirgen şeberlerdi qoldauğa qaşanda dayın bolayıq.  Qazaqstandıq tauardı satıp alu – el ekonomikasına qosqan ülesimiz.

Abai.kz

 

0 pikir