Shurob qyshlaghynda adamdardyng bәrine birdey ýilenu toylaryna qatysugha tyiym salyndy. Saltanatty jiyngha tek ghana toy iyelerining kórshi-qolandary ghana qatysa alady. Osylaysha, toy jasaytyn ýiden alys túratyn tughan-tuystary da jiyngha kele almaydy. Onyng ýstine әr otbasynan tek 1-2 adam ghana qatysugha tiyis.

Saltanatty jiyndargha qoyylghan shekteulerding ishinde dastarhangha qoyylghan taghamdar da kiredi. Bastamany úsynushylardyng aqparaty boyynsha, as beru men ýilenu toylarynda jayylatyn dastarhandar bәsekege ainalyp ketken. Gissar audanyndaghy Jastar úiymynyng jetekshisi Bahrom dastarhangha qoyylatyn taghamdardyng arnayy tizimin jasaghandaryn aitady. «Biz tek ghana shyghyndy azaytudy úsyndyq. Mysaly bir adamnyng jaqyny qaytys bolsa, ol adamnyng basynda ýlken qayghy. Ol sol kezde dastarhan jayyn oilap, ýstel ýstinde banan, ananas nemese ózge de tәtti jemister túruyn qadaghalamauy kerek. Arzan azyq-týlikpen dastarhan jaigha bolady. Qayghynyng ýstine, qaryz bolyp otyru kimge kerek?»,-deydi ol.

Bahrom songhy uaqytta ýilenu toylarynyng asta-tók bolyp ketkeni sonshalyqty, bir jiynda keminde 30 dayashy qyzmet kórsetedi deydi. «Toylar tek shyghyn shygharu bolyp ketti. Árbir qyzyn úzatqan qojayyn keminde 5-6 myng dollar júmsaydy eken. Jas júbaylargha jihaz satyp alu ýshin 1500-1800 dollar júmsaydy. Biz qyzynyng toyyna auyl adamdarynyng bәrin shaqyru mindetti emes dep úsynys jasadyq. Úzatu toyynyng ornyna qalyndyq dos qyzdaryn shaqyryp, kónil kótersin. 15-20 adam shaqyrsa bolady», - deydi Bahrom.

Mortepp qyshlaghynyng tóraghasy Amrulloy Ismat Ozody radiosyna bergen súhbatynda ýnemdeuding bәri ekonomikalyq jaghdaydyng nasharlaruyna baylanysty deydi. Ásirese, Reseyde júmys isteytin tәjik migranttarynyng aqsha audaru kólemi birden azayghan.

Abay-aqparat