Hodjent qalalyq sotynyng baspasóz qyzmeti Ozody radiosyna (Azattyqtyng tәjik qyzmeti) aiyptalushylardyng ishinde Hodjent qalalyq әkimshiligining Jerdi paydalanu jәne geodeziya komiytetining basshylary Hurshed Umatkulov pen Muin Mansurovtar bar ekenin habarlady. Olar jәbirlenushi tarap pen jerdi paydalanu bólimi qyzmetkerleri arasynda deldal bolghan. Jәbirlenushilerding jalpy sany — 33 adam.

Jәbirlenushilerding aituynsha, olardyng әrqaysysynan qújattarymen birge 7-14 myng dollargha deyin para alyp, jer uchaskesin beremiz dep uәde bergen.

Jәbirlenushilerding advokaty Fayzinisso Vohidov aiyptalushylar kózbe-kóz bettestiru kezinde kinәlaryn moyyndap, alghan aqshanyng jartysyn ózderine qaldyryp, jartysyn sheneunikterge bergenderin aitty deydi.

Advokat qylmystyq isti jan-jaqty qarau maqsatynda jalghan qújatpen, jalghan mór qoyyp azamattardy aldaghan ózge de sheneunikterdi jauapqa tartu ýshin Tәjikstan preziydenti men Bas prokuraturagha hat jazugha niyetti ekenin aitady. Ol búl oqighagha qatysty barlyq kinәliler jauapqa tartylu kerek deydi.

Abay-aqparat