حودجەنت قالالىق سوتىنىڭ ءباسپاسوز قىزمەتى وزودي راديوسىنا (ازاتتىقتىڭ تاجىك قىزمەتى) ايىپتالۋشىلاردىڭ ىشىندە حودجەنت قالالىق اكىمشىلىگىنىڭ جەردى پايدالانۋ جانە گەودەزيا كوميتەتىنىڭ باسشىلارى حۋرشەد ۋماتكۋلوۆ پەن مۋين مانسۋروۆتار بار ەكەنىن حابارلادى. ولار جابىرلەنۋشى تاراپ پەن جەردى پايدالانۋ ءبولىمى قىزمەتكەرلەرى اراسىندا دەلدال بولعان. جابىرلەنۋشىلەردىڭ جالپى سانى — 33 ادام.

جابىرلەنۋشىلەردىڭ ايتۋىنشا، ولاردىڭ ارقايسىسىنان قۇجاتتارىمەن بىرگە 7-14 مىڭ دوللارعا دەيىن پارا الىپ، جەر ۋچاسكەسىن بەرەمىز دەپ ۋادە بەرگەن.

جابىرلەنۋشىلەردىڭ ادۆوكاتى فايزينيسسو ۆوحيدوۆ ايىپتالۋشىلار كوزبە-كوز بەتتەستىرۋ كەزىندە كىنالارىن مويىنداپ، العان اقشانىڭ جارتىسىن وزدەرىنە قالدىرىپ، جارتىسىن شەنەۋنىكتەرگە بەرگەندەرىن ايتتى دەيدى.

ادۆوكات قىلمىستىق ءىستى جان-جاقتى قاراۋ ماقساتىندا جالعان قۇجاتپەن، جالعان ءمور قويىپ ازاماتتاردى الداعان وزگە دە شەنەۋنىكتەردى جاۋاپقا تارتۋ ءۇشىن تاجىكستان پرەزيدەنتى مەن باس پروكۋراتۋراعا حات جازۋعا نيەتتى ەكەنىن ايتادى. ول بۇل وقيعاعا قاتىستى بارلىق كىنالىلەر جاۋاپقا تارتىلۋ كەرەك دەيدى.

اباي-اقپارات