«Jer dauyna» qatysty oryn alyp jatqan týrli oqighalargha QR IIM tarapynan tolyq týsinikteme berilmegendikten, Abai.kz aqparattyq portaly QR Ishki ister ministri, general Qalmúhambet Qasymov myrzanyng atyna arnayy saual joldaghan bolatyn. QR BAQ turaly Zanynynng jәne QR kodeksterining negizinde ministrlik  bizding súraqtarymyzgha 3 tәulik ishinde jauap qaytaruy kerek-tin. 

Býgin portalymyzda ministr Qalmúhambet Qasymovqa qarata aitylghan,  «Mitingishiler de terrorister me, ministr myrza?» atty maqala jariyalandy. Atalghan maqala jariyalana sala bir apta búryn joldanghan saualymyzgha oray ministrding ózinen emes, Memlekettik til jәne aqparat departamentining diyrektory A. Sdubaevtan tómendegidey jauap keldi.

Áueli QR IIM ministri, general-polkovnik Qalmúhambet Qasymovqa joldaghan saualdarymyzgha toqtalayyq:

1. 2016 jyly 20-mamyrda «Almaty qalasyndaghy adamdar kóp jinalatyn «Respublika» jәne «Almaty» alandarynnan jarylghysh zattar, temir-tersekter men suyq qarular tabyldy. Soghan qatysty kýdikti adamdar qolgha týsti» dep habarlady Almaty qalalyq IID. Alayda, ústalghan kýdiktiler turaly әli kýnge tolyq mәlimetter jariya etilmey keledi. Nege? Ústalghandar kimder? Sot aldy tergeu amaldary qalay jýrgizilip jatyr? Kýdiktiler qalay anyqtaldy?
2. 21 kýni alangha beybit sheruge shyqqan birneshe adam әkimshilik qúqyq búzushylyq faktileri boyynsha әkimshilik jazagha tartyldy. Keybireuleri 15 tәulikke qamaldy. Belgilengen merzim boyynsha, 15 tәulik keshe 31-mamyr kýni tanghy saghat 09:00-de ayaqtalyp, qamalghan azamattar bosatyluy kerek edi. Alayda, búl azamattar keshki saghat 21:00-ge deyin bosatylmaghan. Sonda olardy qosymsha 12 saghat qamauda ústaghanda qúzyrly organdar qanday  Zang nemese erejelerge sýiendi?
3. 21 kýni Almatydaghy ortalyq alangha jinalghan azamattardy jappay tútqyndau barysynda sol jerde kәsiby qúqyghy boyynsha júmys istep jýrgen jurnalister de qamaugha alyndy. BAQ turaly Zannyng negizinde jurnalist aqparat alugha jәne taratugha mýmkindigi bar edi. Alayda 21-mamyr kýni jurnalisterding qúqyghy búzyldy. Búghan jauap beretin kim?
4. QR Mәjilisining deputaty Gennadiy Shipovskih myrza sizge memlekettik tilde súraq qoyghanda siz nege qazaq tilinde jauap beruden bas tarttynyz? Búghan ne sebep?

Ministrlikting jauabynan ne týidik? Nendey tetikter qalys qaldy?

Birinshi súraq boyynsha berilgen jauapta BAQ-ta jariyalanghanday naqty maghlúmattar berilgen joq. Ústalghandardyng kim ekendikteri beymәlim kýiinde qaldy.  Sot ýkimi zandy kýshine engennen keyin ghana olardyng bet-jýzderin ashyp kórsetetinin úqtyq. Alayda, ministrlik  kýdiktilerding qalay anyqtalghandyghyn aitpady.

Ári qaray. 21 kýni alangha beybit sheruge shyghyp, 15 tәulikke qamalghan azamattardyng Zanmen belgilengen 15 tәuligine qosymsha 12 saghatqa ústalghandyghyn jazdyq. Áytkenmende, belsendilerding nelikten belgilengen merzimnen artyq ústalghandyghyna ministrlik týsinikteme bere almady.

Al ýshinshi súraq boyynsha (jurnalisterding qamalghandyghyn) IIM mýlde teriske shyghardy. Bar bolghany: «Jurnalisterdi qamaugha alu faktisi tirkelgen joq» dedi.

Qalmúhambet Qasymovtyng qazaq tilinde jauap beruden bas tartqandyghy BAQ-ta jazyldy. Mәjilis deputaty Gennadiy Shipovskihting talaby eskerilmey, ministr myrzanyng memlekettik tilge tiksingeni jalghan emes edi. IIM ministrining búlay isteuine ne sebep bolghanyn súraghan edik. Ókinishke oray búl súraghymyzgha da jauap ala almadyq.

Núrgeldi Ábdighaniyúly

Abai.kz