Senbi, 19 Qazan 2019
Käsip-tübi näsip 2240 0 pikir 14 Qırküyek, 2016 sağat 14:13

KÄSİPKERLİK NEGİZDERİ - QWLAĞI NAŞAR ESTITİN JANDAR ÜŞİN...

Qazaqstanda alğaş ret qwlağında mükisi bar 25 adam WKP bağdarlamasına qatısu mümkindigine ie boldı.

«Biznestiñ jol kartası-2020» biznesti qoldau jäne damıtudıñ birıñğay bağdarlamasınıñ «Biznes-mektep» qwramdas böligi boyınşa 2015 jılı Almatı oblısında biznes-trenerler 2284 adamdı oqıtqan.  Mäselen, ÖKP käsipkerlikti qarjılay emes qoldau böliminiñ basşısı Erlan Datqaevtıñ aytuınşa, «Biznes-keñesşi» böligi boyınşa bıltırdan beri 1983 adam oqığan. «Wyımdastıru-qwqıqtıq formasınıñ böligindegi qatısuşılardıñ jalpı sanına jasalğan taldau JK türindegi jeke menşigi bar şağın jäne orta biznes sub'ektileriniñ ülesi JŞS-dan köp ekenin körsetti. Sonday-aq, qatısuşılardıñ jartısınan köbi – äyelder», – deydi E.Datqaev.

Oqu arqılı är qatısuşı 3 mln teñgege deyin qaytarımsız memlekettik grantqa ie bola aladı. Odan bölek, ekikündik oquğa qatısu – biznesin jaña bastağandar men äleuetti käsipkerlerge jaqsı mümkindik beredi, öytkeni köptegen adamdar üşin «Biznes-keñesşi» biznesti jürgizudiñ birinşi qadamı bolıp sanaladı. Biznes-trenerler ötkizetin käsibi saraptamalıq keñes beru öz mümkindikterin bağalauğa kömektesedi.

Osı jılğı «Biznes-keñesşiniñ» bastı jetistigi retinde qwlağı naşar estitin jandar üşin, yağni 2 jäne 3-top mügedekterine surdoaudarmamen kurs wyımdastıru isin atauğa boladı. Qazaqstanda alğaş ret qwlağında mükisi bar 25 adam WKP bağdarlamasına qatısu mümkindigine ie boldı. Däristerdi Taldıqorğan qalasındağı mügedekter qoğamdastığınıñ mamandarı men Tekeli qalasındağı ÖKP filialınıñ keñes beruşi menedjerleri audarıp berdi. Mäselen, kursqa qatısqan 57 jastağı Ol'ğa Rıjkovağa bwl oqu käsipkerliktiñ qır-sırın meñgerip, memlekettik bağdarlamalarğa qatısuğa mümkindik berdi. «Men 2-toptağı mügedekpin. Birneşe jıldan beri kädesıylar men quırşaqtar jasaumen aynalısıp kelemin. Barlığına wnaydı, şetelden de tapsırıs berip jatatın kezder boladı. Bwyımdarımnıñ türin köbeytip, biznesimdi damıtqım keledi. Sondıqtan «Biznes-keñesşige» qatısuğa şeşim qabıldadım. Biz üşin mwnday kurstar öte qajet äri mañızı zor. Öytkeni mwnday kurstardan basqa jaña maşıqtarğa ie bolıp, bilimimizdi jetildiretin mümkindik joq», – deydi O.Rıjkova.

Tağı bir «Biznes ösu» böligi arqılı 235 käsipker oqıtıldı. Tälimgerlik qağidası qoldanılatın «Jobalıq oqıtu» boyınşa 65 şağın jäne orta biznes sub'ektisi oqıtılğan. Sonday-aq, oblısta qaraşa ayınıñ basında 18 ben 29 jas aralığındağı «Jas käsipker mektebi» boyınşa jastardı oqıtu josparlanuda.

Bağdarlama şeñberindegi «İskerlik baylanıstar» jobası käsipkerlerge şeteldik käsipkerlermen äriptestikti jolğa qoyuğa kömektesedi. Halıqaralıq jobanıñ bastı maqsatı – halıqaralıq jäne şeteldik wyımdardıñ qoldauımen şeteldik äriptestermen iskerlik baylanıstar ornatu. Almatı oblısınıñ tanımal biznesmeni, «Şay ortalığı» JŞS bas direktorı Medeu Serikbaev joba şeñberinde Germaniyadan tağılımdamadan ötken 28 biznesmenniñ biri. Onıñ ayuınşa, sapar nemis kompaniyasımen äriptestik ornatuğa kömektesken. Tağılımdama barlığı 24 künge sozılğan.

«Men öte tamaşa äser aldım. Jobanıñ arqasında jaña baylanıstarğa qol jetkizip, bolaşaq äriptesterimmen tanıstım. Biznestegi keybir dünielerge jaña közqaras payda boldı. Sonday-aq, biznesti jürgizu men damıtu boyınşa jaqsı keñester aldım. Tağılımdama barısında «Alsen lime» kompaniyasımen kelissözder jürgizdim. Olar şayğa arnalğan qospalar şığarumen aynalısadı. Qazirgi tañda ortaq äriptestikti bastap kettik», – deydi biznesmen.

Büginde 10-ğa juıq biznesmen dayındıq kursınan ötip, tağılımdamada kökjiegin keñeytuge dayındaluda.

Abai.kz

0 pikir