Senbi, 21 Qırküyek 2019
Käsip-tübi näsip 2407 0 pikir 12 Qırküyek, 2016 sağat 20:24

OQO-DA OTANDIQ TAUAR ÖNDİRUŞİLERDİÑ KATALOGI ÄZİRLENDİ

Qazaqstan Respublikasınıñ investiciyalar jäne damu ministrligi Tehnikalıq retteu jäne metrologiya komitetiniñ Oñtüstik Qazaqstan oblısı boyınşa departamenti tarapınan jürgiziletin tekserulerdiñ sanı jıl sayın azayıp keledi. Mäselen, 2013 jılı departament tarapınan 184 tekseruler jürgizilse, 2014 jılı 95 tekseruler orın alğan. Al ötken jılı tekseruler sanı  50 payızğa azayğan. Bwl öz kezeginde körsetiletin qızmetterdiñ qauipsizdigi men sapasınıñ jaqsarğanın jäne tehnikalıq reglamentterdiñ talaptarınıñ orındalıp jatqandığın bildiredi. Bwl turalı bügin Aymaqtıq kommunikaciyalar qızmetinde ötken brifingte Tehnikalıq retteu jäne metrologiya komitetiniñ OQO boyınşa departament basşısı Orazğali Egemberdiev mälim etti.

Onıñ aytuınşa, departament  osı jıldıñ  I jartıjıldığında jwmıs josparına säykes, barlığı 32 tekseru jürgizgen. Tekserulerdiñ qorıtındısı boyınşa 15 zañdı jäne jeke twlğalar 1 mln. 177 mıñ teñge mölşerinde äkimşilik jauapkerşilikke tartıldı. Al 120 dana ölşem qwraldarı paydalanuğa jaramsız dep, qoldanuğa tıyım salındı. Sonday-aq, bir qwrılıs sınaq zerthanasınıñ akkreditteu attestatınıñ küşi 6 ayğa toqtatılsa, bir işki aynalım üşin tauardıñ şığu tegi turalı «ST-KZ» sertifikatınıñ küşi müldem joyıldı.

Joğarğı organdarmen kelisilgen jäne bekitilgen iriktelgen tekseru tizimderi  toqsan sayın Qazaqstan Respublikasınıñ  Investiciyalar jäne damu ministrligi Tehnikalıq retteu jäne metrologiya komitetiniñ saytında jariyalanadı.

«Komitettiñ aumaqtıq Departamentteri Qazaqstan Respublikası «Tehnikalıq retteu turalı» zañınıñ negizimen barlıq şığarılatın otandıq önimderge aqparattı qamtamasız etu maqsatında tirkeu jürgizilude. Bügingi künde oblıstıñ tauar öndiruşileri 363 katalog paraqtarına engizilude. Barlıq otandıq önimderdiñ tizimi bizdiñ Komitettiñ saytında ornalasqan»,- dep ayttı spiker.

Baspasöz mäslihatında bayandamaşı 2016 jıldıñ 6 aqpanında «Bağalı metaldar men asıl tastar turalı» Qazaqstan Respublikasınıñ Zañına engizilgen özgerister jayın atap ötti. Onda osı jıldıñ  İİ jartıjıldığınan bastap QR aumağında bwyımnıñ sınamalau tañbasız (probirnoe kleymo) jäne ie belgisiz (ottisk imennika) zergerlik bwyımdardı satuğa tiım salınğanı turalı aytılğan. Zañda körsetilgen  talaptardıñ saqtaluına memlekettik baqılau jürgizetin uäkiletti organ - Tehnikalıq retteu jäne metrologiya komiteti jäne onıñ aumaqtıq departamentteri bolıp tabıladı.

Abai.kz

 

0 pikir