جۇما, 29 ناۋرىز 2024
كاسىپ-ءتۇبى ءناسىپ 4004 0 پىكىر 12 قىركۇيەك, 2016 ساعات 20:24

وقو-دا وتاندىق تاۋار وندىرۋشىلەردىڭ كاتالوگى ازىرلەندى

قازاقستان رەسپۋبليكاسىنىڭ ينۆەستيتسيالار جانە دامۋ مينيسترلiگi تەحنيكالىق رەتتەۋ جانە مەترولوگيا كوميتەتiنiڭ وڭتۇستiك قازاقستان وبلىسى بويىنشا دەپارتامەنتى تاراپىنان جۇرگىزىلەتىن تەكسەرۋلەردىڭ سانى جىل سايىن ازايىپ كەلەدى. ماسەلەن، 2013 جىلى دەپارتامەنت تاراپىنان 184 تەكسەرۋلەر جۇرگىزىلسە، 2014 جىلى 95 تەكسەرۋلەر ورىن العان. ال وتكەن جىلى تەكسەرۋلەر سانى  50 پايىزعا ازايعان. بۇل ءوز كەزەگىندە كورسەتiلەتiن قىزمەتتەردiڭ قاۋiپسiزدiگi مەن ساپاسىنىڭ جاقسارعانىن جانە تەحنيكالىق رەگلامەنتتەردىڭ تالاپتارىنىڭ ورىندالىپ جاتقاندىعىن بىلدىرەدى. بۇل تۋرالى بۇگىن ايماقتىق كوممۋنيكاتسيالار قىزمەتىندە وتكەن بريفينگتە تەحنيكالىق رەتتەۋ جانە مەترولوگيا كوميتەتىنىڭ وقو بويىنشا دەپارتامەنت باسشىسى ورازعالي ەگەمبەرديەۆ ءمالىم ەتتى.

ونىڭ ايتۋىنشا، دەپارتامەنت  وسى جىلدىڭ  I جارتىجىلدىعىندا جۇمىس جوسپارىنا سايكەس، بارلىعى 32 تەكسەرۋ جۇرگىزگەن. تەكسەرۋلەردىڭ قورىتىندىسى بويىنشا 15 زاڭدى جانە جەكە تۇلعالار 1 ملن. 177 مىڭ تەڭگە مولشەرىندە اكىمشىلىك جاۋاپكەرشىلىككە تارتىلدى. ال 120 دانا ولشەم قۇرالدارى پايدالانۋعا جارامسىز دەپ، قولدانۋعا تىيىم سالىندى. سونداي-اق، ءبىر قۇرىلىس سىناق زەرتحاناسىنىڭ اككرەديتتەۋ اتتەستاتىنىڭ كۇشى 6 ايعا توقتاتىلسا، ءبىر ىشكى اينالىم ءۇشىن تاۋاردىڭ شىعۋ تەگى تۋرالى «ست-كZ» سەرتيفيكاتىنىڭ كۇشى مۇلدەم جويىلدى.

جوعارعى ورگاندارمەن كەلىسىلگەن جانە بەكىتىلگەن ىرىكتەلگەن تەكسەرۋ تىزىمدەرى  توقسان سايىن قازاقستان رەسپۋبليكاسىنىڭ  ينۆەستيتسيالار جانە دامۋ مينيسترلىگى تەحنيكالىق رەتتەۋ جانە مەترولوگيا كوميتەتىنىڭ سايتىندا جاريالانادى.

«كوميتەتتىڭ اۋماقتىق دەپارتامەنتتەرى قازاقستان رەسپۋبليكاسى «تەحنيكالىق رەتتەۋ تۋرالى» زاڭىنىڭ نەگىزىمەن بارلىق شىعارىلاتىن وتاندىق ونىمدەرگە اقپاراتتى قامتاماسىز ەتۋ ماقساتىندا تىركەۋ جۇرگىزىلۋدە. بۇگىنگى كۇندە وبلىستىڭ تاۋار وندىرۋشىلەرى 363 كاتالوگ پاراقتارىنا ەنگىزىلۋدە. بارلىق وتاندىق ونىمدەردىڭ ءتىزىمى ءبىزدىڭ كوميتەتتىڭ سايتىندا ورنالاسقان»،- دەپ ايتتى سپيكەر.

ءباسپاسوز ءماسليحاتىندا بايانداماشى 2016 جىلدىڭ 6 اقپانىندا «باعالى مەتالدار مەن اسىل تاستار تۋرالى» قازاقستان رەسپۋبليكاسىنىڭ زاڭىنا ەنگىزىلگەن وزگەرىستەر جايىن اتاپ ءوتتى. وندا وسى جىلدىڭ  ءىى جارتىجىلدىعىنان باستاپ قر اۋماعىندا بۇيىمنىڭ سىنامالاۋ تاڭباسىز (پروبيرنوە كلەيمو) جانە يە بەلگىسىز (وتتيسك يمەننيكا) زەرگەرلىك بۇيىمداردى ساتۋعا تيىم سالىنعانى تۋرالى ايتىلعان. زاڭدا كورسەتىلگەن  تالاپتاردىڭ ساقتالۋىنا مەملەكەتتىك باقىلاۋ جۇرگىزەتىن ۋاكىلەتتى ورگان - تەحنيكالىق رەتتەۋ جانە مەترولوگيا كوميتەتى جانە ونىڭ اۋماقتىق دەپارتامەنتتەرى بولىپ تابىلادى.

Abai.kz

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3579