Juyrda ghana Rio tórinde tóreshilerding әdiletsizdigining qúrbany bolghan qazaqstandyq boksshy Vasiliy Levitti aitpaghanda, Bas bapkerding shәkirtteri sheke qyzdyryp túrmaghany ras. Daniyar Eleusinovting jalghyz altynyn jangha medeu tútyp, tәube destik. Joq, Rio medalderi joq emes. Bar. Tek, bizding boksshylar aqyrghy sәtte salbyrt qimyldap, qoldaghy altyndy, qoldaghy jýldeni ózgege ústatyp jatyr.

Osy joly ózining ýshinshi Olimpiadasyna barghan Birjan Jaqypov jer iyiskep qaytty. Ýsh olimpiadadan da Birjan jýldesiz qaytty. Biyl jekpe-jekke shyqqan ózbek sportshylary myqty boldy, ras. Biz sony kórdik. Kommentatorlar da «búlardyng boyyndaghy jeniske degen qúshtarlyq qanday kýshti!» dep, qayta-qayta tanday qaghugha mәjbýr.

Kýlli qazaq júrty ýmit artqan Jәnibek Álimhanúly Olimpiadagha emes, audanaralyq jarysqa qatysyp jatqanday jýrdi. Birinshi raundtta birde-bir soqqy júmsay almaghan Jәnibek Myrzaghaly Aytjanovtyng aighayyn tyndaghan joq. Ras, aiqyn jenildi, dausyz jenildi.  

Hosh, Vasiliy Levitti әdiletsiz qazylar alqasy reseylikterge jyghyp berdi. Oghan dauymyz joq.

Al AIBA-nyng dýrdey viyse-preziydenti Serik Qonaqbaev myrza osynday óreskel qaraulyqqa jol berip ay qarap otyr ma? Qonaqbaev nege «lәm-miym» demeydi?

Endi keshe Ádilbek Niyazymbetov sharshy alangha shyqqanda qazaq Ádilbekten altyn kýtti. Ókinishke oray kubalyq boksshy oinap jýrip oisyratty, Ádilbekti. Jauapkershilik qayda? Tórt jyl boyy dayyndalghan boksshynyng júdyryqtasuy dәl keshegidey bolmas edi, sirә.

Masqarasy sol – múny  biz ghana emes, әlem solay kórdi. Solay qabyldady. «Kubalyq boksshy boks emes – pornografiya kórsetti» dep jazyp jatyr.

Reseylik Olimpiada chempiony Egor Mehonsev Ádilbek Niyazymbetov pen Hulio Sesar La Krustyng finaldaghy kezdesuinen keyin «Búl boks emes, pornografiya. Múny kubalyq jasady. Búl boks masqarasy!», - dep jazghan Instagram jelisindegi paraqshasynda.

Búl jekpe-jekte qazylardyng birauyzdan jasaghan sheshimi boyynsha La Krus jendi jәne altyn medaliding iyegeri atandy. Alayda Mehonsev kubalyqtyng ringtegi júdyryqtasu mәneri únamay qalypty.

Al bokstan Qazaqstan qúramasynyng bas bapkeri Myrzaghaly Aytjanov búl jekpe-jekte óz shәkirti jeniske jetti dep esepteytinin mәlimdep otyr. "Ol Ádilbekti jendi dep aita almaymyn - qashyp jýrdi. Biraq búl boks, kubalyqtyng soqqylary tiyip jatty. Alayda Ádilbekting soqqylary myqtyraq boldy. Barlyq ýsh raundta qarsylasyna soqqy daryta bildi. Álemning ýsh dýrkin chempionyn qúlata salu onay emes. Meninshe, Ádilbek jendi. Zaldaghylar da osylay deydi. Qazaqstannyng jengenin barlyghy aighaylap jatty", - dedi bas bapker shәkirtining jekpe-jeginen keyin bergen súhbatynda.

Aytpaqshy, Londonda finalgha shyqqan Ádilbek janyn ayap aiqasqanynyng kesirinen altynnan airylyp qalghan edi. Búl joly da solay boldy. Ókinishke oray, Aytjanovtyng shәkirtteri aqyryna deyin shydamay jatqany ras.

Endi eki boksshymyz Rio tórinde júdyryqtasady. Ázirge qazaqstandyq sportshylar júrtty kýmiske kýpti qylyp otyr. Armanymyz – altyn!

Núrzat Toghjan

Abai.kz