Tútynushylardyng ýlken súranysyna ie bolghan makaron ónim­derining biri, kәdimgi et asqanda salynatyn «Arzu» jaymalary Taraz qalasyndaghy «Ta-Mak» JShS-da shygharylady.

Búl dәmdi jaymalar az uaqytta naryqtaghy bәsekelesterin yghystyryp, tandauly ónimge ainalyp ýlgerdi. Atalmysh kә­sip­orynnyng byltyrghy «Qazaqstannyng ýzdik tauary» respublikalyq kórme-bayqauynyng «Halyqqa arnalghan ýzdik tauarlar» atalymy boyynsha II dәrejeli diplomdy iyelenui –  osynyng dәleli.

Naryq zany qatal. Óndirilgen ónim sapaly әri baghasy qoljetimdi boluy tiyis. Onsyz bәsekelestikke tótep beru qiyn. «Ta-Mak» JShS osynday synaqtardyng bәrinen óte bildi. Gýlmira Qonqasheva basqaratyn seriktestik 2004 jyly makaron ónimderin shygharatyn seh ashyp, sapasy importtyq balamasynan kem týspeytin jayma әzirleu tәsilin eki jyldyng ishinde mengerip, óndiristi iske qosady. Ýshinshi jyly Tarazda shygharylatyn jaymalar Ortalyq, Batys jәne Shyghys Qazaqstan oblystaryna keng tarala bastaydy. 2008 jyly makaron ónimderining basqa da týrlerin shygharudy qolgha alady.

Halyqaralyq HASSP jýiesi - tamaq ónimderining qauipsizdigin qamtamasyz etuding jana standarttary jәne malayziyalyq «Halal» standarty boyynsha ekologiyalyq taza ónim óndiretin seriktestik 2012 jyly Reseyde ótken azyq-týlik kórmesinde altyn medalidi iyelenedi.  Kәsiporynnyng tәuligine 10 myng tonna ónim óndiretin italiyalyq avtomatty qúrylghyny iske qosqany da osy jyly.  2014 jyly mәskeulik konstruktorlyq buromen birlesip, jana avtomatty qaptama jýiesining túsauyn kesti.  Ol әlem­degi eshbir tauar qaptamasyna úqsamaydy. Sonyng arqasynda «Arzu» tauar tanbasymen satylatyn jaymalar dýken sórelerinde birden erekshelenip túratyn boldy.

«Men ýshin eng bastysy – sapa. Bir óndirushilerge ónimning neghúrlym mol shygharylyp, jan-jaqqa tynymsyz taralyp jatqany útymdy, al mende onday kólem qualau degen joq. Az shygharsam da tap-túinaqtay, barlyq talapqa say boluy tiyis.  Synghan, mayysqan qamyrdy eshqashan oratpaymyn. Kompaniya júmysshylary  da onday jýrdim-bardym әreketke bara almaydy, óitkeni, basty talaptan habardar. Eger sony bile túra abaysyzda jerge týsip qalghan qamyrdy qorapqa sala salsa, onysy beynekameragha týsip qalady», - deydi Gýlmira Qadyr­qyzy.

«Ta-Mak» seriktestigi «Damu» kәsipkerlikti damytu qory qúighan investisiyanyng arqasynda óz ónimderin eksportqa shyghara bastady.  «Arzu» markaly makaron ónimderi Gollandiya, Fransiya jәne AQSh-tyng «Mueller Aussenhandel e.K.», «Monolith Süd GmbH» deldal kompaniyalary arqyly Germaniya, Resey, Qyrghyz memleketteri men Ózbekstan naryghyna shygharyluda.

Býginde kәsiporyn tútynushylaryna «Ertóstik» degen tauar tanbasymen jana brend úsynuda. Múnday qadam makaron ónimderin shygharatyn óndiris oryndary arasyndaghy bәsekelestikke tyng serpin beretinin aitady seriktestik basshysy. Ekinshi jaghynan jana josparlardyng tuyndauyna jol ashpaq.

Oralhan DÁUIT

abai.kz