Býgin Ontýstik Qazaqstan oblysynyng Qazyghúrt audanynda qaraly jiyn ótti. Audannyng Qarabastau auylynyng túrghyndary men ishki ister salasynyng qyzmetkerleri Almatyda oryn alghan oqys jaghday kezinde auyr jaralanyp, jan saqtau bóliminde keshegi kýni kóz júmghan polisiya leytenanty Meyrambek Rahmatullaevty aqtyq sapargha shygharyp saldy. Jerleu rәsimine OQO әkimdigi men Almaty qalalyq әkimdigining ókilderi, sonday-aq, ishki ister salasynyng jetekshileri de qatysty. 

Qaraly basqosugha kelgen oblys әkimining orynbasary J.Bókenbaev erlikpen qaza tapqan marqúmnyng búl qayghysy onyng tuystarynyng ghana emes, barsha qazaqstandyqtardyng kóniline qayau salghanyn bayan etti. 

Ayta keteyik, M.Rahmatullaevtyng tuystaryna Almaty qalalyq әkimdiginen 15 mln. tenge, Ontýstik Qazaqstan oblysynyng әkimdiginen qosymsha 5 mln. tenge beriletin bolady. Sonymen birge, ishki ister salasynyng qyzmetkerleri bir kýndik jalaqylaryn Almatyda bolghan qandy oqigha kezinde qaza tapqandar men zardap shekkenderding otbasylaryna audarudy úigharyp otyr.

Eske salayyq, shilde aiynyng 18-inde Almaty qalasynda terrorlyq akt oryn aldy. Ay men kýnning amanynda suyq qarulanghan búzaqy azamat 8 adamdy jaralyp, 8 adamnyng ómirin qighan bolatyn. Sonyng biri, jerlesimiz, polisiya leytenanty Meyrambek Núridillaúly Rahmatullaev edi. Ol keshe basynan alghan auyr jaraqaty saldarynan auruhanada kóz júmdy. 

Abay-aqparat