Düysenbi, 21 Qazan 2019
Ekonomika 1610 0 pikir 6 Qazan, 2016 sağat 20:13

ERĞOJIN NEGE OFFLAYNĞA KETİP JATIR?

Qarjı ministrligine qarastı Memlekettik kiris komitetiniñ törağası Däulet Erğojin facebook  äleumettik jelisindegi «Köleñkeli biznespen küres» aşıq tobında «Qwrmetti dostar! Biz barlıq äleumettik jeliden offlaynğa ketip jatırmız. Jazbaşa swraq-jauap türinde jwmıs jasaymız. Tüsinistik tanıtqandarıñızğa rahmet!» dep jazdı. Bwl neni bildiredi? Soñğı kezderi köleñkeli biznespen küresti küşeytip, salıq jüyesine jaña tehnologiya engizip, ärbir tauardıñ şekaradan ötkennen twtınuşı qolına jetken deyingi aralıqtağı jürisin baqılap, salıq tölemin qatañ qadağalaytın jüyelerdi jürgizip äri memlekettik kiris komitetiniñ qwzırına kiretin jwmıstardıñ denin qoğamğa aşıqtıq jağdayında jürgiziluine belsene kirisip, barlıq äleumettik jelilerde jwmıs jürgizip, özi de türli jiındar men otırıstar ötkizu arqılı köptegen mäselelerdi tüsindirip, sarapşılarmen birlesip, ortaq talqığa salıp jürgen Erğojinniñ äreketi bireulerge wnamağan boluı kerek dep topşılauğa boladı. Biraq, Erğojinniñ özi joğarıdağı sözinen basqa aşıp eşteñe aytpağan.

Prezident N.Nazarbaev memlekettik organdardıñ halıqpen tığız jwmıs jasauın, aşıqtıqqa bet bwruın ünemi aytıp keledi. Prezidenttiñ aytqanın orındağanday jwmıs istey bastağan memlekettik kiris komitetiniñ äreketi kimge wnamay qalğanı tüsiniksiz. Qalay bolğanda da, salıqtan jaltarıp, milliardtağan qarajat aynalımında jürgen köleñkeli biznestiñ qolı wzın keletinine eşkim kümändana qoymas. Degenmen, memlekettik organ – memlekettik kiris komitetiniñ zamanaui kommunikaciyalıq tehnologiyanı paydalanıp, halıqpen aşıq jwmısqa köşkenine kedergi keltiru, bwl – Prezidenttiñ memleket organdardıñ aşıqtığına qatıstı aytqandarına qarsılıq ekeni sözsiz...

Nwra Matay

Abai.kz

0 pikir