Beysenbi, 23 Qañtar 2020
Qoğam 3500 0 pikir 27 Aqpan, 2017 sağat 13:07

RESEYDEGİ «QOŞ AĞAŞ» AUDANINIÑ ÄKİMİ JATQANBAEV TWTQINDALDI

Reseydiñ Taulı Altay öñirine qarastı «Qoş ağaş» audanınıñ basşısı Äuelhan Jatqanbaev (surette) para aldı degen küdikpen twtqındalğan. Oqiğa 22 aqpan küni bolğan.

Ol ötken jılı qañtar ayında mektep qwrılısın aukcion arqılı satuda jeñiske jetui üşin bässaudağa qatısuşıdan 3 mln rubl' köleminde para alğan dep ayıptalıp otır. Öziniñ eşqanday kinäsiz ekenin aytqan Äuelhan Jäzitwlı sot zalına jedel-järdem qızmetkerlerin şaqırtuğa mäjbür boldı. Sebebi onıñ densaulığı sır bere bastağan.

Al osı oqiğağa baylanıstı Äuelhan Jatqanbaevtıñ wlı Meyirim Jatqanbaevqa habarlasıp, istiñ män-jayın swrağanımızda, ol bılayşa jauap berdi. Jäne osı jan ayqayın janaşır jandarğa jetkizuimizdi swradı.

«Assalaumağalaykum, ağayındar!!! Men Resey Altay ölkesiniñ, Qos-Ağaş audanınıñ twrğınımın. Əkem Jatqanbaev Əuelhan Jazitwlı, osı audannıñ əkimi. At töbelindey azğantay  qazağına, 12 000 qazağına bükil ömirin, densaulığın ayamay eñbek etip kele jatır. Jergilikti halıqtıñ qoldauımen 4 mərte audan əkimine saylanıp, jwmısın zor atqardı. Eliniñ ümitin aqtap, keleşekte öser wrpağına jol siltedi. Joğarğı jaqtağı orıs pen altay wltınıñ tapsırması boyınşa bwl adam endi kerek emes dep sayasat qudalauına tüsti. Jasamağan iske jala jauıp, eş bir naqtı dəlelsiz aparıp qamap tastadı türmege. Densaulığı onsız da naşar adamdı - qan qısımı joğarı jəne jüregi naşar adamdı eş bir nərsege qaramastan qamadı. Bir sözben aytqanda, orısşa " Besspredel" jasadı. Ülken bas muftiydi de kirgizbeydi, kirip dem salıp jüregine sabırlıq wyalatıp kirsin dese de. Jergilikti twrğındar, eli jwrtı, ağayını jinalıp alañğa şıqsa, bostandıq pen ədilettik swrasa, policiya bərin şetinen quıp qamaymız dep qorqıtuda. Bükil halıq jılap, eñirep qayğırıp otır. Kelesi kezek jan wyasına qauip tönip twr. Ülken qızı, meniñ apayım, ol ekeumiz - Qazaqstan azamatımız, bizdi de qamauğa almaqşı. Aynalayın, qazağım, alıstağı qandastarıñızğa qol wşın sozularıñızdı swraymız. Aldımen Alladan dwğa tilep, jeñildigin bersin. Bükil äleumettik jelige maksimaldıq repost jasap bölisiñizder, Elbasına jetkizu kerek bwl jağdaydı. Üşbu tilegimiz qarausız qalmaytın şığar dep ümittenemiz...» - deydi Meyrim Jatqanbaev.

Äzirge Äuelhan Jäzitwlınıñ üstinen qozğalğan qılmıstıq isti reseylik BAQ jarısa jazıp, aq isin qara etuge tırısıp jatır.

Äuelhan Jäzitwlı osı öñirde alğaşqı ret halqına Nauırız toyın, bürkit toyın ötkizip, alğaş ret Halıqaralıq Aziya çemptonatın qazaq küresten ötkizgen edi. Qazaq küresiniñ Aziya Çempionatı boyınşa twñğış prezidenti. Sovet Ökimet qwlağannan keyin eñ alğaş meşit saldırıp, Atamekennen şäkirtter oqıtıp aldırdı. Qazirgi kezde audan köleminde Äuelhan Jäzitwlı saldırğan 9 meşit twr. Düniejüzi qazaqtar qauımdastığına 4-5 ret at salısa kömegin körsetip, ülken is-şaralarğa qatıstı. Atameken, tarihi Otanı - Qazaqstanmen tığız baylanıs jasap, ər salada istegen isi zor.  Düniejüzi qazaqtarınıñ 4-şi qwrıltayında  Elbası Nazarbaev eki eldiñ arasında atqarğan isin bağalap, alğıstan basqa aytarım joq dep edi. Bwl adam marappatalğan medal', ordenderi de az emes. Arasında Resey dini ortalığınıñ muftii Aşirovtıñ "Al-Ihsan" ordeni de bar. Negizi "añdığan jau almay qoymas" degen söz beker emes eken. Eşkimge bas bermey, azğana qazağanıñ namısın qorğap, wltınıñ janaşırı bolıp keldi. Biraq wltı wnamadı ma, əlde isi wnamadı ma belgisiz, qır soñına tüsip, onı aqırı türmege qamadı. Bwl qazaq halqınıñ jan ayqayı. Bügingi küni Moñğoliya, Qazaqstan, Reseydegi Äuelhan Jäzitwlın tanitın qazaqtar onıñ bas bostandığın aluın swrap otır.

Qazir Äuelhan Jatqanbaev qamauda.

Abai.kz

0 pikir