Dýisenbi, 18 Qazan 2021
Janalyqtar 2904 0 pikir 30 Qantar, 2017 saghat 10:47

MODEKO-2017 Halyqaralyq jihaz kórmesi ótedi

Týrkiyanyng Izmir qalasynda 2017 jyldyng 1-5 nauryzy aralyghynda MODEKO-2017 halyqaralyq jihaz kórmesi ótedi. Biyl 28-ret ótkizilgeli otyrghan sharanyng basty demeushileri: Týrkiya Respublikasy ekonomika ministrligi, Izmir әkimdigi, Ege aimaqtyq kәsipkerler palatasy, Izmir Sauda palatasy t.b.

Kórme barysynda әlemning 32 elinen keletin 1200-ge juyq qatysushy 5 kýn boyy әlemdik standartqa sәikes jihaz shygharatyn izmirlik kәsiporyndarmen tikeley baylanys ornatugha mýmkindik alady.

Halyqaralyq naryqta týrikterding jihazy sapasy jaghynan ýlken súranysqa iye. MODEKO-2017 kórmesinde klassikalyq, avangard, modern jәne modulidyq stilidegi jihazdyng qonaqýi, asýi, balalar men jasóspirimder bólmesi, jatyn bólmege arnalghan týrleri úsynylady. Júmsaq jihazben qatar oryndyq, ýstel, shkaftyng da týr-týri satyp alushylardyng kónilinen shyghary anyq.

CSIL zertteu kompaniyasynyng derekterine sýiensek, Týrkiya jihaz eksporty jaghynan әlemdik naryqtyng 2 payyzyn iyemdenedi. 2003-2011 jyldar aralyghynda Týrkiyanyng jihaz ónerkәsibi 292 payyzgha ósken. Týrkiyanyng Jihaz assosiasiyasy týrik jihazshylary aldaghy 2-3 jylda әlemning ýzdik ondyghyna enudi kózdep otyr. Býginde týrik ónimi Irak, Germaniya, Iran, Ázirbayjan, Fransiya, Týrkimenstan, Niyderlandtar, Resey, Saud Araviyasy men Italiyagha eksporttalady. Al byltyr MODEKO-2016 jihaz kórmesine Shvesiya, Gollandiya, Gruziya, Katar, Oman, Izraili t.b. jalpy sany 32 memleketten satyp alushy qatysqan.

Izmir – kólemi jaghynan alghanda, Týrkiyanyng alghashqy ýshtigine enetin qala. Stambúldan keyingi asa manyzdy port ta Izmirde ornalasqan. 8500 jyldyq tarihy bar әsem qalanyng turizm salasy da kýshti damyghan. Tabighaty tamasha Izmirde tarihy múragha arnalghan mekender kóp. Shipaly termaldy su, ystyq búlaqtar, jaghajaylar, ózindik ashanasymen erekshelenetin qalada halyqaralyq dengeydegi kórme, festivali, jәrmenkeler jii ótkiziledi.

Abai.kz

 

0 pikir