Qazaqstanda kәsipodaq múghalimderdi qorghaytyn birden – bir úiym sanalady. Biraq  sol kәsipodaq  múghalimderdi qorghay ala ma? Eger kәsipodaq múghalim qúqyghyn qorghaytyn bolsa, biz nege kóshe tazalap, qoqys jinap jýrmiz?

19-mamyr 2016 jyly  mektepke  Qarasay  audanynyn  aqsaqaldary  kelip, jinalys ashyp, mening tәrtibimdi qarady. Búl turaly  Abai.kz saytynda  «Qarasaylyq aqsaqaldar ústazgha qysym kórsetti»( http://abai.kz/post/view?id=7969)  taqyrybyndaghy  maqaladan oqyp biluge bolady.  

Sol aqsaqaldar jiynynda «pedogogikalyq әdep normalaryn saqtamady» dep mektep diyrektory B.Nýsipbekova maghan eskertu berdi. Búl jayt (http://www.azattyq.org/a/kazakhstan_rights_of_teachers/27784042.html)  Azattyq radiosynda «Aqsaqaldar aqylyn tyndamaghan múghalimge eskertu berildi»  taqyrybyndaghy maqalada  bayandalady.

Ózime berilgen tәrtiptik sharamen kelispegendikten sotqa jýginuge mәjbýr boldym.

5 qyrkýiek kýni mening talap aryzym boyynsha  Qarasay audandyq  sotynda   sheshim shyqty. Ol turaly  Abai.kz, Qamshy.kz, «Azattyq»   radiosy  jazyp (http://www.azattyq.org/a/27967250.html) , «31»  arna janalyqtardan habarlaghan bolatyn.

Búl jenis – halyq jenisi . Meni sotta qorghap shyqqan zangerlerding jenisi. Men ýshin sot aldynda tannan keshke deyin sarylyp otyrghan belsendilerding jenisi. Ár minutty qaldyrmay baqylaghan jurnalist qauymnyng jenisi. Mening basyma is týsken kýnnen bastap  qoldap, tilegimdi tilep  otyrghan  jeli qoldanushy halyqtyn  jenisi.  

Osy sottyng barysynda  bar mýmkindigimdi paydalanayyn  dep, ózim 12 jyl boyy jarna tólep kelgen  kәsipodaqqa hat jazdym.  Kәsipodaqtyng  Respublikalyq  tóraghasy Amantaeva Mayra Túrghanqyzynan,  azamattyq is jýrgizu kodeksining  58-bap, 3-tarmaghyna say mening qúqyghymdy qorghau maqsatynda sotqa qatysularyn súradym. Mausym, shilde, tamyz ailarynda  3 ret hat jazdym. Mayra Amantayqyzy Almaty oblystyq kәsipodaqqa hat jibergenin aityp jauap jazdy.

Oblystyq kәsipodaq ýnsiz otyrdy da ,  audandyq kәsipodaq tóraghasy Erkin Qoyshybaev myrza 7-shilde 2016 jyly meni ayaq asty kelisimge keluge shaqyrdy. Ol jerde 3 saghatqa juyq uaqyt otyrdym. Súhbat barysynda «sen senip otyrghan halyq, jelidegiler kalyan shekkender, alkashtar, olar halyq emes, halyqtan әdrem  qalsyn» degen sózder aitty.  Men tabynatyn halyqty osylay qaralady. Sotta mening qúqyghymdy qorghaugha zanger bergen joq. Esesine halyq arasynan zangerler tabylyp, Marjan Aspandiyarova men  Ghaliya Ájenova tegin kómektesti.

Osydan keyin jelidegi jýzge juyq múghalim  «Qazaqstan múghalimi»  paraqshasynda , Qarasay audanynyng kәsipodaq tóraghasy E.Qoyshybaev myrzany ornynan alyp tastauyn súrap, búl talaptary oryndalmasa kәsipodaq qúramynan shyghyp ketetindikterin eskertip,  Amantaeva Mayra Túrghanqyzyna hat jazdy.

Osyghan baylanysty  «Qazaqstandyq salalyq  bilim jәne ghylym qyzmetkerlerining kәsiptik odaghy» qoghamdyq birlestigi atqaru komiyteti qauly shyghardy.

Biraq ózgergen eshtene bolmady. 26 jyl Qarasay audandyq kәsipodaghyn basqarghan  E.Qoyshybaev  әli ornynda otyr.

Ózimdi-ózim qansha  sabyrgha shaqyrghanymmen, halyqqa til tiygizgenin úmyta alar emespin.

Osydan birer  kýn búryn  Respublikalyq kәsipodaq qyzmetkerleri qonyrau shalyp , Qarasay audanyna  A.J.Omashev  keletinin  aytyp , ol seminarda  E.Qoyshybaevtyng  ornynan  ketuin  talap etuime  bolatynyn  aytyp  eskertti.  Býgin men sol seminarda boldym.

Seminar ortasynda maghan sóz beruin súradym. E.Qoyshybaev meni kórdi de sóz berilmeytinin aitty. Men: «Sóileuim kerek , oblystyq kәsipodaq tóraghasy  Omashevqa aitarym bar» dedim.

Qoyshybaev  mening sóileuime ýzildi-kesildi qarsy boldy.

- Men kәsipodaqqa jarna tólep otyrmyn, qalaghan jiynyma qatysyp, óz oiymdy aitugha qúqyghym bar. Men sózimdi, sotqa zanger súraghanymnan bastadym.  Qoyshybaev taghy da auzyma qaqpaq qoya  bastady.  

- Sen ol әngimeni qozghama , sheshildi ghoy, nemenege sen sondaysyng , meni Astanagha shaqyrdy,   she dabivaesh, artyma týsip aldyng ghoy , - dedi  Qoyshybaev.  Ol kezde men әli eshtene aitpaghan edim. Onyng maghan sóz bermey, tiyise bastaghanyna tang qaldym.

- Asan Júmaqanúly sózimdi ayaqtauyma bola ma? - dedim oblystyq kәsipodaq tóraghasyna qarap .

Ol ýnsiz, jaz boyy da ýnsiz otyryp edi, әli sol ýnsizdigi jalghasuda.

- Joq , jarys sóz emes mikrofondy óshir, jarys sóz berilmeydi , súraq beresing be ber, elding basyn qatyrma, dúrys pa mening aitqanym, dúrys pa, qol kóterinder,- dedi  Qoyshybaev zalgha qarap..

Zaldyng jartysy jarylyp ,  shu ete qaldy. Seminarda 50-ge juyq mektep diyrektorlary men  mektepterdin  kәsipodaq  tóraghalary jәne bilim bólimining ókilderi bar bolatyn.

- Dúrys, dúrys, - dep zaldaghylar mening  dauysymdy estirtkisi kelmedi me , shapalaq sogha bastady.

Men kәsipodaqtyng sotqa qatysuyn súraghanymdy, ótinishim qanaghattandyrylmaghanyn aita bastap edim, qolymdaghy mikrofonymdy  óshirip tastady.   

Zaldaghylar: «mikrofondy tartyp alyndar, sóiletpender» dep shulay bastady.

 Bәribir aitqym kelgenin aityp qaldym.

Múghalimderding Mayra Amantayqyzyna jazghan hatyn   A.Omashevqa da  tapsyrdym. (Hattyng tolyq núsqasy Feysbuk әleumettik jelisining «Qazaqstan múghalimi»  paraqshasynda bar)

A.Omashev : «16 qantarda búl mәseleni qayta qaraymyz» dep qysqa qayyrdy.

Respublikanyng múghalimderining jinalyp jazghan hatynda:

Jalpy kәsipodaq múghalimder qúqyn qorghay almaytyn bolsa «Qazaqstandyq salalyq bilim jәne ghylym qyzmetkerlerining kәsiptik odaghy» qoghamdyq birlestigi Jarghysynyng 4.11-tarmaghyna sәikes kәsipodaq qúramynan bastauysh kәsipodaq úiymyna jeke ótinish beru arqyly kәsipodaq mýsheliginen shyghugha bolatynyn eskertkimiz keledi, – depti.

«Ay sayyn 1000 tengeni kәsipodaqqa tólegenshe, qayyrymdylyq qoryna audarghanymyz dúrys bolar» - degen oy keldi maghan da.

Aytpaqshy, jiyn sonynda Janatúrmys mektebining búrynghy diyrektory  B.Nýsipbekovagha E.Qoyshybaev aqshalay  syiaqy men maqtau qaghazyn tabystady. B.Nýsipbekova jiynda bolmaghandyqtan sol mektepting kәsipodaq tóraghasyna amanat qyldy.  Aldaghy kýnderde Respublikalyq kәsipodaqtan audan atqaminerlerine,  atap aitqanda diyrektorlar men әkimge marapat súrap otyrghanyn, jaqyn kýnderde keletinin aitty.

Bir adamnyng qateliginen alghan jazasy, myng adamdy qatelik jasaudan saqtaydy. E.Qoyshybaevty ornynan aldyrghanda tabatyn eshtenem joq, biraq  kәsipodaqtardyng zang búzuyna jol bermeytinimiz shyndyq.

Halyq – Qúdaydyng aty. Halyqqa til tiygizu,  keshiruge kelmeytin kýnә, týzeuge kelmeytin qatelik!   Kәsipodaq shendilerdi marapattap, zang búzghandardy qoldaudan arygha bara almaytynyna kózim jetti.  Senseng halyqqa sen, qoldasang halyqty qolda.  Halyq aman bolsyn!

Ayman Saghidulla, «Aghartushy» qoghamdyq qozghalysynyng mýshesi,  Janatúrmys mektebinin  múghalimi

Abai.kz