Astanamyzda Álemdik jәne dәstýrli dinder liyderlerining V sezi ótkeni belgili. Sezde әlbette, elimizding preziydenti Núrsúltan NAZARBAEV sóz sóiledi. Sózinde qazirgidey aumaly-tókpeli zaman barysyndaghy «balaqtan shauyp, basqa ozghan» diny ekstremizm mәselesine keninen toqtaldy. Sonymen birge, ótken IV sezde ózining bastamasymen qúrylghan Diny liyderler kenesining manyzdylyghyn atap ótti. Kóp-kóp nәrseler atalyp aityldy, negizinen.

-         Diny liyderler kenesining әlemdik ruhani-adamgershilik qúndylyqtardy nyghaytu, dinder men mәdeniyetterding arasyndaghy ózara týsinistik pen pen kelisimge qol jetkizu isinde manyzdy roli atqaratynyna senimdimin. Álem damuynyng qazirgi barysy jahandyq konfessiyaaralyq dialogting osynday biregey tetigine degen súranystyng ósip kele jatqanyn kórsetip otyr, - dedi, Núrsúltan NAZARBAEV sóilegen sózinde, - әskery jәne ishki qaqtyghystar kóbeydi, múnday qaqtyghystargha qatysushy taraptar adamdardyng diny ústanymyn ózderine óte tiyimdi paydalanuda. Bizdi osynday qaqtyghystardyng biri, músylmandardyng eng basty kiyesi, Islam әlemining besigi – Mekke men Mәdiynege jaqyn manda – Yemende tútanghany alandatpay túra almaydy. Birqatar ekstremistik toptardyng is-qimyldary týrli konfessiyany ústanushylardyng arasynda jaulyq tudyryp, Aziya men Afrikadaghy kóp qoghamdy jikke bólude. Ukrainanyng Shyghysynda qalalar men auyldardy atqylau kezinde kóptegen hramdardyng býlinip jatqandyghy turaly habarlar da alandatady...

Osylay dep bir qoyghan qazaq elining preziydenti Irak pen Siriyada myndaghan jyldar boyyna saqtalyp kelgen kóptegen mәdeny múralardyng әdeyi qiratyluyn da qynjylyspen aityp ótti. Qysqasynan qayyrghanda, Qazaq eli ghana emes, sonymen birge Álemdik dinder liyderleri basqosuynyng negizin qalaushy Kóshbasshy retinde de Núrekeng biraz da biraz mәselelerding basyn qayyrdy. Dúrys shyghar-au, jalpy alghanda, degenmen de «kónil degen kók dónen» shirkinning tym-tym әridegi... tym әridegi týpkirinen kónilsizdeu-kónilsizdeu de keybir oilar kólben-kólbeng ete qalady. Osyndayda. Kólben-kólbeng ete qalady da, dәl osy «Álemdik dinder liyderleri» degen jap-jana sóz tirkesterine qatysty anda-múnda aitylyp qalyp jatqan keybir de keybir sózder esimizge týse ketedi – ayaq astynan. Mәselen, belgili sayasattanushy әri qogham qayratkeri Aydos SARYM myrzanyng sózderi.

-         Álemdegi dinaralyq kelisim deysizder me? Al óz elimizding ishindegi DILARALYQ kelisimning joqtyghyn qalay týsindiremiz, - deydi AYDOS myrza, - óz ishimizdi týgendep, barlyq kýshter jiylyp, últtyq ruh, ústyn, ústanym, missiya, múrat degen ózekti mәseleler boyynsha barlyghyn bir jaghyna shygharatyn kez kelgen joq pa? Álemdik dinderdi tatulastyra almaspyz, al biraq orys teledidary býgingidey dәulet qúra berse, týbi jerimizding tútastyghynan aiyrylu qaupi bar ekenin moyyndalyqshy... (http://abai.kz/post/view?id=3685)

Ras, ýlken sayasattyn  ýlken ókilderining anda-sanda ýlken bir qalada bas qosyp, anau-mynau mәselelerdi «tas-talqan» etip talqylap túrghany dúrys ta shyghar, әitse de, әlemdik dinaralyq tatulyqty tu etken qazaq biyligi el ishindegi dilaralyq kelisim men mәmileni de myqtap eskerip jýrgeni abzal shyghar.

Marat MADALIMOV

Abai.kz