Jwma, 7 Tamız 2020
COVID-19 QAZAQSTANDA. Jwqtırğandar — 95942. Jazılğandar — 68871. Qaytıs bolğandar — 1058
Sayasat 6395 0 pikir 16 Säuir, 2015 sağat 16:04

VIRTUALDI ÄLEMDEGİ ELEKTORATTI DA WMITPAU QAJET

Keyingi kezde dästürli aqparat qwraldarı men internet resurstar, äleumettik media arasında aqparat taratuda bäsekelestik bayqalıp jür. Alayda, biılğı saylau nauqanı kezinde bayqağanım, ädettegidey dästürli aqparat qwraldarı aldıñğı qatarda twr. Äleumettik media mwnday kezeñde wmıt qalmauı tiis. Sebebi, jeke jäne korporativti akkaunttar aldağı uaqıtta ülken sayasi nauqandarda jeke äri täuelsiz resurstardıñ rölin atqaratın boladı.

2008 jılğı saylau kezinde asa män bermegenimen, AQŞ-ta 2012 jılı ötken prezident saylauı nauqanı kezinde Barak Obama jäne onıñ komandası äleumettik jelilerdi öte belsendi paydalandı. Sayasi nauqannan keyin alınğan arnayı saualnamağa qatısqandardıñ 30 payızı äleumettik mediadağı türli posttardı oqığannan keyin qatısqanın moyındasa, 20 payızı äleumettik jeliler bastapqı tañdağan kandidatına emes, onıñ qarsılasına dauıs beruge ıqpal jasağanın aytqan.

Bizdiñ elde de äleumettik jeliler 2010 jıldan bastap qana belsendi paydalanıla bastağanımen, ol 2011 jılğı prezidenttik saylauğa da, 2012 jılğı parlamenttik saylauğa da aytarlıqtay ıqpal ete alğan joq.

Qazir jağday säl basqaşa. Kezekten tıs prezidenttik saylau turalı wsınıs tüsken künnen beri äleumettik jelide saylau taqırıbı trendke aynaldı. Ügit-nasihat jwmıstarı kezinde kandidattardıñ ştabtarı jaqsı qoldanıp jür. Öytkeni, äleumettik jeliler uaqıtı qımbat televidenie men jolı qımbat gazet-jurnal emes. Ortalıq saylau komissiyası men jastar wyımdarı äleumettik medialarda saylauğa qatısuğa ıntalandıruğa akciyalar wyımdastırıp jatır. Bwl da öz kezeginde elektorattıñ saylauğa qatısu körsetkişin ösirip jibermese de, belgili bir därejede ıqpal etedi dep esepteymin.

Jarqın TÜSİPBEKWLI


Abai.kz

0 pikir