سەيسەنبى, 4 تامىز 2020
COVID-19 قازاقستاندا. جۇقتىرعاندار — 93820. جازىلعاندار — 65132. قايتىس بولعاندار — 1058
ساياسات 6387 0 پىكىر 16 ءساۋىر, 2015 ساعات 16:04

ۆيرتۋالدى الەمدەگى ەلەكتوراتتى دا ۇمىتپاۋ قاجەت

كەيىنگى كەزدە ءداستۇرلى اقپارات قۇرالدارى مەن ينتەرنەت رەسۋرستار، الەۋمەتتىك مەديا اراسىندا اقپارات تاراتۋدا باسەكەلەستىك بايقالىپ ءجۇر. الايدا، بيىلعى سايلاۋ ناۋقانى كەزىندە بايقاعانىم، ادەتتەگىدەي ءداستۇرلى اقپارات قۇرالدارى الدىڭعى قاتاردا تۇر. الەۋمەتتىك مەديا مۇنداي كەزەڭدە ۇمىت قالماۋى ءتيىس. سەبەبى، جەكە جانە كورپوراتيۆتى اككاۋنتتار الداعى ۋاقىتتا ۇلكەن ساياسي ناۋقانداردا جەكە ءارى تاۋەلسىز رەسۋرستاردىڭ ءرولىن اتقاراتىن بولادى.

2008 جىلعى سايلاۋ كەزىندە اسا ءمان بەرمەگەنىمەن، اقش-تا 2012 جىلى وتكەن پرەزيدەنت سايلاۋى ناۋقانى كەزىندە باراك وباما جانە ونىڭ كومانداسى الەۋمەتتىك جەلىلەردى وتە بەلسەندى پايدالاندى. ساياسي ناۋقاننان كەيىن الىنعان ارنايى ساۋالناماعا قاتىسقانداردىڭ 30 پايىزى الەۋمەتتىك مەدياداعى ءتۇرلى پوستتاردى وقىعاننان كەيىن قاتىسقانىن مويىنداسا، 20 پايىزى الەۋمەتتىك جەلىلەر باستاپقى تاڭداعان كانديداتىنا ەمەس، ونىڭ قارسىلاسىنا داۋىس بەرۋگە ىقپال جاساعانىن ايتقان.

ءبىزدىڭ ەلدە دە الەۋمەتتىك جەلىلەر 2010 جىلدان باستاپ قانا بەلسەندى پايدالانىلا باستاعانىمەن، ول 2011 جىلعى پرەزيدەنتتىك سايلاۋعا دا، 2012 جىلعى پارلامەنتتىك سايلاۋعا دا ايتارلىقتاي ىقپال ەتە العان جوق.

قازىر جاعداي ءسال باسقاشا. كەزەكتەن تىس پرەزيدەنتتىك سايلاۋ تۋرالى ۇسىنىس تۇسكەن كۇننەن بەرى الەۋمەتتىك جەلىدە سايلاۋ تاقىرىبى ترەندكە اينالدى. ۇگىت-ناسيحات جۇمىستارى كەزىندە كانديداتتاردىڭ شتابتارى جاقسى قولدانىپ ءجۇر. ويتكەنى، الەۋمەتتىك جەلىلەر ۋاقىتى قىمبات تەلەۆيدەنيە مەن جولى قىمبات گازەت-جۋرنال ەمەس. ورتالىق سايلاۋ كوميسسياسى مەن جاستار ۇيىمدارى الەۋمەتتىك مەديالاردا سايلاۋعا قاتىسۋعا ىنتالاندىرۋعا اكتسيالار ۇيىمداستىرىپ جاتىر. بۇل دا ءوز كەزەگىندە ەلەكتوراتتىڭ سايلاۋعا قاتىسۋ كورسەتكىشىن ءوسىرىپ جىبەرمەسە دە، بەلگىلى ءبىر دارەجەدە ىقپال ەتەدى دەپ ەسەپتەيمىن.

جارقىن تۇسىپبەكۇلى


Abai.kz

0 پىكىر