Senbi, 27 Aqpan 2021
Qogham 5952 1 pikir 19 Aqpan, 2015 saghat 11:28

QANDASTAR NÚREKENDI ASSAMBLEYaDAN ALPYS ESE ARTYQ QOLDAYDY!

;feature" type="application/x-shockwave-flash">;feature" />;feature" />

 

Qazaq kóshining jolyn qayta ashayyn dep túrghan Allanyng búiryghy shyghar, mening qolyma 20 minuttyq viydeo jazba kelip týsti.

Viydeo-jazbada qasiyetinnen ainalayyn Núrkenning - Núrsúltan Nazarbaevtyng 2002-jyly qazan aiynda Týrkistan qalasynda ashylghan Dýniyejýzi qazaqtarynyng ekinshi qúryltayynda sóilegen sózining songhy bólegi jazylypty.

Qiyr jaylap, shet qonghan tuystardyng Tәuelsizdigin óz qolyna alghan Atajúrtyna kelip, Kók tudyng astynda óz Elbasy men Eltanbasyna joqtay janghan janarlaryn qadap túryp, ong qolyn keudelerine qoyyp, aibyndy Ánúranyn shyrqap túrghan ghajap bir sәt edi búl!

Kórip otyryp, kóniling bosaydy. «Qúday-au, bir kezde biz qanday edik?! Qazaq kóshi osynday da baqytty sәtti bastan keshti-au!»-dep bulyghasyn!

Ya, bizding ardaqty Núrekenning alystaghy aghayyngha, óz qandasyna degen yqylas-peyili dәl osylay bolatyn! Ár sózi at basynday altyngha teng edi!

Qazaqstan Respublikasynyng Konstitusiyasy 40-babynyng 1-tarmaghynda «Qazaqstan Respublikasynyng Preziydenti – memleketting basshysy, memleketting ishki jәne syrtqy sayasatynyng negizgi baghyttaryn aiqyndaytyn, el ishinde jәne halyqaralyq qatynastarda Qazaqstannyng atynan ókildik etetin eng joghary lauazymdy túlgha» dep jazylghan.

Ata Zannyng 64-babynyng 1-tarmaghynda «Ýkimet Qazaqstan Respublikasynyng atqarushy biyligin jýzege asyrady, atqarushy organdardyng jýiesin basqarady jәne olardyng qyzmetine basshylyq jasaydy» dep kórsetilgen. Al, 66-baptyng 3-tarmaghynda «Mәjiliske zang jobalaryn engizedi jәne zandardyng oryndaluyn qamtamasyz etedi» dep belgilengen.

Demek, qasiyetti Núraghanyng әu bastaghy Kóshi-qon sayasaty, әne, kórip otyrsyzdar, mýltiksiz, dúp-dúrys edi ghoy!

Sonda, osynau suday túnyq peyilge batpanday balshyq laqtyrghan, ottay ystyq kónilge mýzday su sepken kim ózi? Qandastarymyzgha kedergi jasap otyrghan qanday zang men qauly?? Atazanda kórsetilgen mindetin atqarushy biylik tútqasyn ústaghan kókeler qanshalyqty dәrejede atqara aldy?

Ýkimetting bergen naqty mәlimetine sýienseq, Qazaqstan qazirge deyin 952 myng qandasyn qabyldap ýlgeripti. Birden tizbelep otyrmay-aq, ony bes-bes jylgha bólip qarasaq, El tәuelsizdigin alghan alghashqy bes jylda (1991-1996) kelgen qandasymyzdyng sany 104 009 adam eken. Búl san – jalpy kelgenderding 11 payyzyn qúraydy.

Ýkimet tizginin Sergey Tereshenko (1991- 1994) men Ákejan Qajygeldiyn (1994-1997) ústaghan sonau bir toqyrau jyldary ghoy. Soghan qaramastan, jýz mynnyng ýstinde qandasymyz oralypty.

Tizgin Núrlan Balghymbaev (1997-1999) pen Qasym-Jomart Toqaevtyn (1999-2002) qolyna ótken ekinshi bes jyl mezgilde (1997-2001) 82 335 qandasymyz oralypty.

Áriyne, búl azaiy – peyilding tarylghanynan emes, ekonomikalyq daghdarystyng saldarynan bolghanyn el jaqsy biledi. Esesine, kәsiby diplomat Qasym-Jomart Kemelúlynyng arqasynda qandastarymyzdyng qújattanu mәselesi barynsha onaylatyldy. Viza rәsimdeu jәne tirkeuge túru tәrtipteri tipti jenildedi.

Sol jenildikterding arqasynda Qazaq kóshining ALTYN DÁUIRI bastaldy. Ýitkeni, Qasekennen keyin Ýkimet basyna Imanghaly Tasmaghambetov (28.01.2002-11.06.2003) keldi emes pe!

Ýshinshi bes jylda (2002-2006) oralghan qandastarymyzdyng sany 384 106 adamgha jetti. Búl - jalpy kelgenderding 40.3 payyzyn ústaydy. Qazaq kóshining tarihyndaghy eng jogharghy rekord jaratyldy.

Ókinishke oray, IYmekeng Ýkimette kóp otyrmady, ornyna Premier-ministr bolyp Danial Ahmetov (2003-2007) taghayyndaldy. Beker obaly kәne, Danial Kenjetayúly da qandastarynyng betinen qaqqan joq! Qasym-Jomart qalyptastyryp, Imanghaly kemeldendirgen iygilikti sharuany odan ary jaqsy jalghastyra bildi!

«Súmyraydyng kelip, sudyng qúruy» 2007-jyldan bastaldy. Tórtinshi bes jyl sanalatyn 2007-2011 jyldar aralyghynda oralghan adam sany 308 832. Búl kórsetkish jalpy oralghandardyng 32.2 payyzy. Imanghaly Núrghaliyúly kezindegiden 8 payyz az!

Búl – qayta kórim ghoy, 2012 jyly kelgenderding sany 80 617-ge biraq qúldyraghan. Managhy 40.3 payyz 8,3-ke kýrt tómendep ketken! 2013 jyl men 2014 jyldy, kóz aldylarynyzda túr ghoy, aitpay-aq qoyaiyn...

Viydeo-jazba men osynau kórsetkishterge qarap otyryp, Ishki ister ministrligi men Ýkimetting býgingi istep otyrghan ittigine (biri dayyndap, ekinshisi qol qoyghan №111 Qauly aitam) it jynyng ústaydy. Tipti ashugha bulyqqanda, Alla ózi keshirsin, tura shymkentshe jibergenindi de bayqamay qalady ekensing ghoy!

Biz Serik Ahmetov qol qoyghan Ýkimetining 2014 jylghy 19 aqpandaghy №111 Qauly aityp shulap jýrmiz ghoy, onyng basy 2012 jyly 28 nauryzda K.Mәsimov bekitken №362 Qaulydan bastalghan. El biletin «EKI ANYQTAMA» sonda payda bolghan!

Kóshti it qosyp toqtatqany az bolghanday, qandastarymyzgha jappaghan jalasy men jaqpaghan kýiesi qalmady ghoy!

2007 jyly bastalghan әlemdik ekonomikalyq daghdarys kezinde el ishin aralap shyqqan Núrsúltan Ábishúlyna auyl adamdary «Sender «daghdarys-daghdarys» deysinder, sol daghdarysty biz tipti sezinip te otyrghan joqpyz» dep dúrys aitqan. Qazaqstanda ekonomikalyq daghdarys bolghan emes, bolmaydy da. Bolghan kýnde de ol qalpyna keletin daghdarys. Al, ekinshi qaytyp ornyna kelmeytin bir daghdarys bar. Ol – shette jýrgen bes million qandasymyzdyng últsyzdanuy!

Qúdaygha tәube, mine, sol 2002 jyldardaghy peyil men yqylas birtindep qalpyna kelu aldynda túr. Elbasymyz óte kóregendik tanytyp, ótken jyly (04.05.2014) Ýkimetke qaytadan «Qazaqstan Respublikasynyng keybir zannamalyq aktilerine halyqtyng kóshi-qony jәne júmyspen qamtyluy mәseleleri boyynsha ózgerister men tolyqtyrular engizu turaly» №1026 tapsyrma berdi. Shettegi qandastary da sol momyn, enbekshil qalpynan ózgergen joq, Núrekeng riza bolghan últaralyq qatynas pen qoghamdyq tynyshtyqty әli kýnge deyin sary altynday saqtap keledi.

Osy 13 aqpan kýni Mәjiliste júmys toby bekitilip, sol Zang jobasynyng túsaukeseri ótti. Endi qos palatada talqylanyp, tolyqtyrylyp, aldaghy kýnderde Preziydentting qol qongyna jiberiledi dep kýtilude. Jinalysqa ýsh-tórt jigit qatynasyp, jaqsylyqtyng kuәsi boldyq. Júmys tobynyng jetekshisi - QR Parlamenti Mәjilisining deputaty, qazaqtyng aimanday qyzy Gýlnar Seyitmaghanbetova hanym. Topta Aldan Smayyl, Núrtay Sәbiliyanov, Almas Tortaev, Baqytbek Smaghúlov bastaghan jaqsylar men jaysandar bar kórinedi... Biz ýsh jigit osy júmys tobyna endik. Betalys, ynta jaqsy...

Atyng óshkir EKI ANYQTAMA búl zannyng emes, zannamalyq túrghydan Ishki ister ministrligi dayyndap, Ýkimet bekitetin Qaulynyng qúzyrynda sheshiledi eken. Ol jaqtan qúry «zerdelep jatyrmyzdan» artyq әzirge tyrs etken sybys joq!

Kesheli beri Qazaqstan halqy assambleyasy jaghynan 2015 jyly merziminen búryn preziydent saylauyn ótkizu turaly úsynys týsip jatqan kórinedi. Negizi, búl úsynysty birinshi bolyp bizding – shetten kelgen aghayyndardyng jasaytyn jónimiz bar edi. Áne-mine dep Kóshi-qon zanynyn, túraqty tirkeu men azamattyq aludyng әleginde jýrgende, Anatoliy Bashmakov aldymyzdy orap ketti. Jaraydy. Kelesi kezekti qoldan jibere qoymaspyz.

Eger, shynymen de biyl merziminen búryn preziydent saylauy ótip jatsa, N.Nazarbaevtyng shappay-aq bәige alatynyna eshkimning kýdigi bolmasyn!

Jana Kóshi-qon Zany tez qabyldanyp, azamattyq alu mәselesi sheshilip jatsa, Qandastar qauymy Núrekesin assambleyadan alpys ese artyq qoldaytynyna dau joq!


Auyt MÚQIYBEK.


Astana.


Abai.kz

1 pikir