Qazaq júrty Dimash Qúdaybergenovtyng Qytaydyng «Hunan TV» telearnasyndaghy «Men әnshimin» (Singer 2017) bayqauyna qatysyp jatqanynan habardar. Ýzdik әnshini anyqtaytyn muzykalyq doda eng alghash 2013 jyly efirge shyqqan. Osy jyly besinshi ret úiymdastyryluda. Shou aspan asty elinen ózge, Kanada, Malayziya, Singapur, Tayland jәne Europa memleketterine taraydy. Al, 1-sәuirden bastap Qazaq elinde de kórsetilmek.

Búl jóninde «Habar» telearnasynyng Bas produseri Aydos Túrysbek mәlimdedi. - Búghan deyin biz Dimashtyng halyqaralyq bayqaudaghy ónerin ghalamtordan ýzik-ýzik qana kórsek, endi sayystyng tolyq núsqasyn kórsetu mýmkindigi tuyp otyr. Muzykalyq shoudyng atmosferasyn, ondaghy kónil-kýi, ózge әnshilerding babyn, sahna syrtyndaghy bәseke – múnyng barlyghyn «Men әnshimin» jobasynan tamashalay alasyzdar. 22 sәuir songhy sayys kýni. Finaldyng ózi eki kezennen túrady. Alghashqysynda Dimash jeke oryndasa, ekinshi kezende duette әn aitady. Ánshining jankýierleri ýshin osy súraq qyzyq bolyp túr. Dimash bir sahnada kimmen әn aituy mýmkin? Múny dәl sol kýni «Habar» arnasynan kóre alasyzdar» - dedi ol.

Esterinizde bolsa Dimash Qúdaybergenov alghash ret 21 qantar kýni fransuzdyng «SOS d'un terrien en détresse» әnin shyrqap, qytaylyq synshylar tarapynan joghary baghalandy. Keybir Qytay basylymdary ony «Tәnir ózi nazaryna alghan jas әnshi» dep baghalaghan edi. Talantty ónerpaz milliardtaghan kórermenning aldynda qytay, orys, aghylshyn tilderinde, al eng bastysy qazaq tilinde әn salyp ýlgerdi.

Jas darynnyng jetistikterinen keyin aspan asty elining Qazaqstangha qyzyghushylyghy arta týsti. Bizding muzykalyq aspaptarymyzgha, tilimizge, tipti qanday tagham jeytinimiz kórshilerge tansyq bolyp túr.

- Dimashtyng jankýierleri kýnnen-kýnge tanqaldyrularyn qoymaydy. Rasymen, maqtangha salynbayyqshy dep, kóp tosyn syilardy jariyalay bermeymiz. Biraq, býgingisi erekshe! Qytay fanattary arnayy Qazaqstandy zerttep, viza ashyp, elimizge barypty. Dimashtyng qarny ashyp qalmasyn dep, qazaq últtyq taghamdaryn dayyndap, býgingi týski asta bizdi tanqaldyrdy. Qazy-qarta, tary-talqan, qúrt-may, jemis-jiydek bәri bar! Jyraqta jýrgen jan ýshin búl taghamdardyng orny erekshe ekeni sózsiz! Qorap-qorap syilyq. Áli ashyp ta ýlgermey jatyrmyz! Barlyghy әnshisine degen niyeti ghoy jankýierlerdin» - dep jazghan edi Dimashtyng PR- menedjeri Alpamys Sharimov ózining Instagram әleumettik jelisindegi jeke paraqshasynda.

Kil myqtylar jinalghan sahnada shyn talantty anyqtau kiynnyng qiyny-aq. Sebebi Dimashtyng PR-menedjeri aityp ketkendey búl sayysqa qatysushylardyng әrqaysy birneshe dodalarda baq synap, biyikterdi baghyndyryp ýlgergen, óz elderinde tanymal júldyzdar. Bayqauda qytay azamattarynan ózge Ontýstik Koreya, Malayziya, Singapur jәne Qazaqstannan kelgen әnshiler qatysuda. Jerlesimiz Ortalyq Aziyadan qatysqan alghashqy ónerpaz.

Qazirgi uaqytta Dimash on kezennen sýrinbey ótip, finalgha joldama aldy. Endi әnshi sәuir aiynda italiyanyng eng әigili әnshi hәm akteri Adriano Chelentanonyng «Confessa» әnin oryndaydy dep kýtilude.

Sonymen, 1-sәuirden bastap әr senbi sayyn «Habar» arnasynan «Men әnshimin» jobasyn tamashalanyzdar!

Abai.kz