Senbi, 16 Qazan 2021
Anyq 6845 4 pikir 11 Sәuir, 2017 saghat 19:58

Shekarada tonalghan jesir ananyng aqshasy qaytqan joq

Áleumettik jelidegi júrt pen qazaqtildi sayttardaghy әriptesterimiz jelpinip, «Shekarada tonalghan jesir ananyng aqshasy qaytarylatyn boldy» dep jatyr. Ásilinde olay emes. Biz Mәuithan Gýljannyng úly Ádilbekpen habarlasyp, isting mәn-jayyn súrap bildik.

-Shyghys Qazaqstan oblysy, Zaysan audanynyng soty (sudiya B.N. Mergenbaev) Mayqapshaghay keden beketinde tәrkilengen 49, 900 dollardyng tek 9 900 dollaryn ghana qaytaru turaly sheshim shyghardy. Qalghan qarjy qazynada qalatyn boldy, - dedi Ádilbek Múqtashúly.

Esterinizge sala keteyik, Mәuithan Gýljan aqpan aiynyng 8-i kýni Qytaydan Qazaqstangha balalarymen jәne inisimen birge kóship kelu ýshin ShQO Zaysan audanyna qarasty Mayqapshaghay kedendik beketinen ótedi.

Kýieuinen jastay jesir qalyp, eki balasyn ómirding nebir tauqymetin tarta jýrip er jetkizgen Gýljan Qytaydaghy ózine tiyesili ýii men bar dýniye-mýlkin satyp, ol aqshagha Astana qalasynan baspanaly boludy kózdegen eken.

Shekaradan ótken eki kishkentay balamen qosa eseptegende jeti adamnyng qaltasynda jalpy jiyny 49,900 AQSh dollary bolghan. Yaghni, Mәuithan Gýljannyng ózinde - 19,700, birge tughan inisi Mәuithan Múqiyattyng qaltasynda - 10,500, úly Múqtashúly Ádilbekting janynda - 9,900, jiyeni Saylan Meyrambekting qaltasynda - 9,900, jiyen kelini Gýljanat Soltikenning qaltasynda 9,900 AQSh dolary bolghan.

Gýljan Mәuithannyng aituynsha, olardy Mayqapshaghay keden beketindegi shekara qyzmetkerleri baqylau terminalynan «qújattarynyz tolyq, bәri zandy» dep ótkizgen. Alayda, bar mәsele osy «bәri zandydan» keyin bastalghangha úqsaydy.

«Shekara torynan Qazaqstangha qaray shygharyp salatyn avtobusqa otyrghan kezimizde artymyzdan quyp kelip, qayta tekserdi. Meninshe, búlay isteui zangha qayshy. Sosyn, bәrimizdi baqylau terminalyna qayta tizip alyp kirip, sheshindirip, qoyny-qonyshymyzdy aqtardy. Tipti, jylaghanyna qaramay, 3 jastaghy jәne 8 jastaghy eki balany da sheshindirip, túla boyyn tintip shyqty. Jogharyda atalghan beseumizding qaltamyzdan shyqqan 49,900 AQSh dollaryn týgeldey sypyryp aldy. Bizde jolda tamaq alyp ishetin, jolgha tóleytin, qonaq ýige jatatyn kók tiyn aqshamyz qalmay, eki ortada daghdaryp qaldyq. Aqyry bir tanys kisilerding kómegimen Zaysan qalasyna kelgen kezde mening jýrek auruym ústap, esimnen tanyp, jedel jәrdemmen emhanadan bir-aq shyqtym. Ol jerde de taghy bir qyrsyq dayyn túr eken. Kóshi-qon zany boyynsha, Qazaqstan azamattyghyn alghansha, osy elding azamaty retinde qaralatyn «yqtiyarhat» kuәligim bolsa da, emhanadaghylar: «Siz shetel azamaty ekensiz. Emdeluiniz de aqyly bolady» dep basymyzdy qatyrdy. Shyrqyrap jýgirgen úlym Almatydaghy tanystarynan aqsha aldyryp, emhanagha jatyp, zorgha aman qaldym», – deydi ol (siltemeni qaranyz).

Qandastarymyzdyng basyndaghy búl halge der kezinde Núr Otan partiyasy men Mәjilis deputaty Baqytgýl Hamenova da nazar audarghan bolatyn (siltemeni qaranyz).

Ádilbekting sózinen bilip otyrmyz, әleumettik jeli men dәstýrli BAQ-tyng betinen kórinis tapqan mәsele әli birjaqty sheshilmegenge úqsaydy.

-Sudiya bizge 15 kýnning ishinde qayta shaghymdanugha bolatynymyzdy aityp týsindirdi. Biz kedennen ótken kezde deklarasiyany dúrys toltyrmaghan ekenbiz, - deydi Ádlibek Múqtashúly.

Redaksiyadan: Múqtash әuletining jay-kýii men zang oryndarynyng sheshimin Abai.kz aqparattyq portaly әdettegidey baqylauynda ústaytyn bolady.

Abai.kz

4 pikir