Qazaq shekarasynda bar aqshasynan aiyrylyp qalghan ananyng basyndaghy hal kýrdelenip barady.

Shyghys Qazaqstan oblysy, Zaysan audany manyndaghy Mayqapshaghay keden beketinde jesir әielding 59 900 AQSh dollaryn týgel sypyrap alghan shekarashylardyng isi qoghamda qyzu talqylanuda.

Qytaydaghy ýiin satyp, Astanagha kóship kele jatqan qandastardyng aqshasy qaytarylmaq týgili, Mәuithan Gýljannyng úly Ádilbek Múqtashúlynyng ýstinen qylmystyq is qozghalyp jatyr eken.

Biz "shekarada tonalghan" Mәuithan Gýljannyng úly Ádilbek Múqtashúlyna habarlasyp, mәn-jaydy óz auzynan estidik.

"Shekaradan ótkende sheshemde - 19,700, birge tughan inisi Mәuithan Múqiyattyng qaltasynda - 10,500, mende - 9,900, sheshemning jiyeni Saylan Meyrambekting qaltasynda - 9,900, jiyen kelini Gýljanat Soltikenning qaltasynda 9,900 AQSh dolary bolghan. Bizge shekarada osylay alyp ótinder dedi. Keyin Zaysan audanyndaghy ekonomikalyq sottyng tergeu qyzmetkerleri qorqytyp, ýrkitip, "barlyq aqsha bir adamdiki deysinder" dedi. Eger biz búl aqshanyng barlyghy bir adamdiki demesek, 3-5 jylgha deyin sottalyp ketetinimizdi qatang eskertti. Sot kezinde biz sottan әdildik kýttik. Bar shynymyzdy aittyq. Búl bizding Qytaydaghy ýiimizdi satyp, alyp kele jatqan aqshamyz ekenin aittyq. Sonda da sudiya bizding shekarada aitqandarymyz ben sotta aitqandarymyz sәikespeydi dep, teris sheshim shyghardy. Shesheme 68 myng tenge aiyppúl salyp, mening 9900 dollarymdy ghana qaytaryp berdi. Sol sotta maghan jәne naghashyma qauly shygharyp, sotta jalghan aitty degen aiyp taghyp otyr", - deydi Ádilbek Múqtashúly.

Tipti, Mәuithan Gýljannyng tughan inisi Mәuithan Múqiyatty elden deportasiyalauy mýmkin kórinedi. Estuimizshe, Mәuithan Múqiyattyng bala-shaghasy Qazaqstanda qalyp, otbasy ekige airylmaq.

Qandastarymyzdyng basyndaghy búl halge der kezinde Núr Otan partiyasy men Mәjilis deputaty Baqytgýl Hamenova da nazar audarghan bolatyn (siltemeni qaranyz). 

Abai.kz