Senbi, 30 Mamır 2020
COVID-19 QAZAQSTANDA. Jwqtırğandar — 10382. Jazılğandar — 5220. Qaytıs bolğandar — 38
Äkim men halıq 3514 6 pikir 20 Säuir, 2017 sağat 11:36

Mağan deseñ Putinge bar 2: Äkim ketti, jöndeusiz jol qaldı...

11 säuirde «Mağan deseñ Putinge bar» degen taqırıppen maqala jarıq körgen edi. Maqalada Almatı oblısı, Eñbekşiqazaq audanı, Baltabay auıldıq okrugine qarastı Birlik auılınıñ Abay köşesine töselui tiis asfal'ttiñ köşeniñ 700 mterine jetpey qalğanı jäne Baltabay auıldıq okruginiñ äkimi Baqıtgül Düysebekova men Birlik auılınıñ twrğını Natal'ya Boyarkinanıñ arasındağı jol mäselesi boyınşa äñgimesi söz bolğan edi.

Köterilgen mäsele boyınşa oblıs äkiminiñ baspasöz qızmetine habarlastıq. Baspasöz qızmeti Eñbekşiqazaq audanı äkimi apparatınıñ Baltabay auılındağı jağdayğa qatıstı tüsiniktemesin joldadı.

Biz hat izimen Natal'ya Boyarkinağa (surette) habarlastıq.

- Asftal' äli töselgen joq. Jol sol qalpı jatır. Auıl äkimi men eki ret izdep kelipti, üyde bolmap edim. Äpkemmen söylesipti. Äpkem olarğa joldı jöndep, asfal't tösep berseñder, auıldıq äkimşilikke, äkimge eşqanday  talap-arızımız joq dep jazıp beremiz, öytpegen jağdayda kelisimge kele almaymız depti. Siz aytıp otırğan hattağıday «jağday oñ şeşildi, okrug äkimine şağımı joq» degen jalğan. Äkim jwmıstan şıqsa, salınbağan joldıñ jauapkerşiligi kimniñ moyında qaladı? Sonda jwmıstan ketu onı barlıq jauapkerşilikten bosata ma? Äkimniñ esebinde salınğan, al şın mäninde asfal'ttalmağan 700 metr joldıñ mäselesin kim şeşedi endi (suretti qarañız)?

 

 

 

 

 

 

 

Äkim öz erkimen jwmıstan ketkenmen, joğarığa berilgen esepte tolıq jöndeldi dep jalğan aytılğan Abay köşesiniñ 700 metrin kim jöndeydi? Oğan bölingen qarjısınıñ esebin kim kimnen swraydı (suretti qarañız)?

Baqıtgül Düysebekova Boyarkinağa qarata «Mağan deseñ Putinge bar» dep aytqan memlekettik qızmettiñ etikasına jatpaytın sözi üşin qızmetten ketken bolsa, negizgi mäsele – joldıñ tağdırı ne bolmaq sonda? Älde oblıs, audan şendileri auıl äkimi jwmıstan öz erkimen ketti, mäsele şeşildi dep oylay ma?

Birlik auılındağı 700 metr jolğa jetpey qalğan qazına aqşası qwzırlı orındardıñ nazarına iligip, auıl twrğındarınıñ jol jağdayı şeşimin tabar dep senemiz!

Ümittimiz!

 

Nwra Matay

Abai.kz

6 pikir