Qazirgi adamdar mynanday bolyp alghan, ózderi birnәrseni bylyqtyryp-bylyqtyryp kýnә jasauda shekten shyghyp alady da, al endi oghan ózge bir adam kelip qatesin betine ashyq aityp, el-halqynyng aldynda әshkerelep tilip jiberse, onda dereu ony sotqa beredi. "Mening aryma tiydi, iskerligime, bedelime núqsan keltirdi" - dep, ottaydy. Ar men bedel tek qana solarda sekildi. Mysaly, ótkende jariyalanghan "úrlyq" mәselesindegi maqalamyzgha baylanysty Qoshanúly Núrlan degen azamat Talpaqov Múhittyng ýstinen II Bólimine shaghymdanypty. Talpaqov Múhitty Erjan esimdi tergeushi tergeuge shaqyrtypty.

Dereu qimyldaytyn II Bólimi qyzmetkerleri Talpaqov, Qorghanbaevtar aryzdanghanda nege dәl osylay shiraq qimyldamady? Búl birjaqtylyq emes pe? 14 baptyng "Zang aldynda adamdardyng bәri birdey" degen jerin bilmey me eken әlde? Búl bir.

Ekinshi mәselede, kózbe-kóz halyqty aldap, qyzmetkerlerin negizsiz "statiyamen" qyzmetten qudalaghan, Jyloy audanynyng teritoriyasyn lastap, ekologiyany búzghan, memleket qarjysyn qymqyrghan Ybyraev Baltabay shyndyqty jetkizgen Túrar Shapqaranyng ýstinen Jyloy audandyq sotyna aryz týsirgen. Sot Túrar Shapqarany mamyrdyng 19 shy júldyzyna shaqyrghan. Mynasy tipten qyzyq eken? Mal úrlap ústalghan úrylardyng isinde "qylmystyq fakti joq" bolyp túrghan zamanda, halyqtyng soyylyn soqqan Shapqaranyng isi qylmystan túnyp túr eken ghoy. Shapqara týrmening týbinde shiriydi eken ghoy. Adam balasy birnәrse jasarda sәl oilanu kerek edi, qazirgi jalghan namystylar aqsha tólep ústap otyrghan zangerlerine "Mynany sotqa ber" dep búiryq bere salady. Sosyn onyng arghy jaghy "Kimning nanyn jeseng - sonyng sózin sóileysin" degenmen ayaqtalady. Onda úrpaq ýshin isteletin barlyq júmystardy ysyryp tastap, úrpaqqa ónege retinde ómir boyy bir-birimizben bet jyrtysyp sottasyp óteyik.

Halyqov atyndaghy mektepting janyndaghy kólshikke ainalghan kanalizasiya las sularyna, 8-auyldaghy, OES manyndaghy KNS janyndaghy kólshikke ainalghan kanalizasiya las sularyna kim jauap beredi? Búl mәselede Baltabay sýtten aq, sudan taza ma? Jalghan namysyn qorghaushy Baltabay zang aldynda jauap bergisi kelmeytin siyaqty, onda halyq aldynda jauap beretin bolady! Últ, bolashaq janashyrlary!

Túrar Shapqara

Abai.kz