قازىرگى ادامدار مىنانداي بولىپ العان، وزدەرى بىرنارسەنى بىلىقتىرىپ-بىلىقتىرىپ كۇنا جاساۋدا شەكتەن شىعىپ الادى دا، ال ەندى وعان وزگە ءبىر ادام كەلىپ قاتەسىن بەتىنە اشىق ايتىپ، ەل-حالقىنىڭ الدىندا اشكەرەلەپ ءتىلىپ جىبەرسە، وندا دەرەۋ ونى سوتقا بەرەدى. "مەنىڭ ارىما ءتيدى، ىسكەرلىگىمە، بەدەلىمە نۇقسان كەلتىردى" - دەپ، وتتايدى. ار مەن بەدەل تەك قانا سولاردا سەكىلدى. مىسالى، وتكەندە جاريالانعان "ۇرلىق" ماسەلەسىندەگى ماقالامىزعا بايلانىستى قوشانۇلى نۇرلان دەگەن ازامات تالپاقوۆ مۇحيتتىڭ ۇستىنەن ءىى بولىمىنە شاعىمدانىپتى. تالپاقوۆ مۇحيتتى ەرجان ەسىمدى تەرگەۋشى تەرگەۋگە شاقىرتىپتى.

دەرەۋ قيمىلدايتىن ءىى ءبولىمى قىزمەتكەرلەرى تالپاقوۆ، قورعانباەۆتار ارىزدانعاندا نەگە ءدال وسىلاي شيراق قيمىلدامادى؟ بۇل بىرجاقتىلىق ەمەس پە؟ 14 باپتىڭ "زاڭ الدىندا ادامداردىڭ ءبارى بىردەي" دەگەن جەرىن بىلمەي مە ەكەن الدە؟ بۇل ءبىر.

ەكىنشى ماسەلەدە، كوزبە-كوز حالىقتى الداپ، قىزمەتكەرلەرىن نەگىزسىز "ستاتيامەن" قىزمەتتەن قۋدالاعان، جىلوي اۋدانىنىڭ تەريتورياسىن لاستاپ، ەكولوگيانى بۇزعان، مەملەكەت قارجىسىن قىمقىرعان ىبىراەۆ بالتاباي شىندىقتى جەتكىزگەن تۇرار شاپقارانىڭ ۇستىنەن جىلوي اۋداندىق سوتىنا ارىز تۇسىرگەن. سوت تۇرار شاپقارانى مامىردىڭ 19 شى جۇلدىزىنا شاقىرعان. مىناسى تىپتەن قىزىق ەكەن؟ مال ۇرلاپ ۇستالعان ۇرىلاردىڭ ىسىندە "قىلمىستىق فاكتى جوق" بولىپ تۇرعان زاماندا، حالىقتىڭ سويىلىن سوققان شاپقارانىڭ ءىسى قىلمىستان تۇنىپ تۇر ەكەن عوي. شاپقارا تۇرمەنىڭ تۇبىندە ءشىريدى ەكەن عوي. ادام بالاسى بىرنارسە جاساردا ءسال ويلانۋ كەرەك ەدى، قازىرگى جالعان نامىستىلار اقشا تولەپ ۇستاپ وتىرعان زاڭگەرلەرىنە "مىنانى سوتقا بەر" دەپ بۇيرىق بەرە سالادى. سوسىن ونىڭ ارعى جاعى "كىمنىڭ نانىن جەسەڭ - سونىڭ ءسوزىن سويلەيسىڭ" دەگەنمەن اياقتالادى. وندا ۇرپاق ءۇشىن ىستەلەتىن بارلىق جۇمىستاردى ىسىرىپ تاستاپ، ۇرپاققا ونەگە رەتىندە ءومىر بويى ءبىر-بىرىمىزبەن بەت جىرتىسىپ سوتتاسىپ وتەيىك.

حالىقوۆ اتىنداعى مەكتەپتىڭ جانىنداعى كولشىككە اينالعان كاناليزاتسيا لاس سۋلارىنا، 8-اۋىلداعى، وەس ماڭىنداعى كنس جانىنداعى كولشىككە اينالعان كاناليزاتسيا لاس سۋلارىنا كىم جاۋاپ بەرەدى؟ بۇل ماسەلەدە بالتاباي سۇتتەن اق، سۋدان تازا ما؟ جالعان نامىسىن قورعاۋشى بالتاباي زاڭ الدىندا جاۋاپ بەرگىسى كەلمەيتىن سياقتى، وندا حالىق الدىندا جاۋاپ بەرەتىن بولادى! ۇلت، بولاشاق جاناشىرلارى!

تۇرار شاپقارا

Abai.kz