10 tamyz kýni Abai.kz aqparattyq portaly "Ardagerge kómek dep múghalimnen aqsha jinau zandy ma?" atty Ayman Saghidullaevanyng maqalasyn jariyalaghan edi. Sol materialda aitylghan mәselelerge Qarasay audany әkimdigi resmy jauap berdi.

Qarasay audanynyng әkimdigi, Janatúrmys orta mektebining qazaq tili pәnining múghalimi A.Saghidullaevanyn  «Abai.kz» saytynda  shyqqan hatyna baylanysty tómendegini habarlaydy.

Qazaqstan Respublikasynyng 2001 jylghy 23 qantardaghy № 148-II «Qazaqstan Respublikasyndaghy jergilikti memlekettik basqaru jәne ózin-ózi basqaru turaly» Zanynyng 6-babyna sәikes Úly Otan soghysyndaghy Úly Jenisting 72 jyldyghyna oray, «Qarasay audandyq mәslihaty «Úly Jenisting 72 jyldyghyna oray, audandyq mәslihat deputattarynyng audan túrghyndaryna Ýndeui turaly» 2017 jyldyng 2 nauryzynda №12-6 sheshimi qabyldandy. Sheshimde Qarasay audandyq mәslihaty deputattarynyng Úly Otan soghysyndaghy Úly Jenisting 72 jyldyghyna oray audan túrghyndaryn bir kýndik enbekaqylaryn arnayy ashylghan esep shotqa («Ardagerler úiymy» respublikalyq qoghamdyq birlestigining Qarasay audandyq filialynyng qoghamdyq birlestigining shotyna) audarugha shaqyru turaly Ýndeui qabyldandy. Ýndeuding mәtini 2017 jyldyng 10 nauryzyndaghy audandyq «Zaman Jarshysy» gazetining №10 basylymynda jariyalandy.

«Ardagerler úiymy» RQB-i Qazaqstan Respublikasynyng soghys, enbek ardagerlerining basqa da sanattaghy barlyq zeynetkerlerining qoghamdyq birlestigi nysanyndaghy kommersiyalyq emes úiymy bolyp tabylady. «Ardagerler úiymy» RQB-ning joghary atqarushy organy sezd bolyp tabylady. «Ardagerler úiymy» RQB Ortalyq kenesining jәne Ortalyq reviziyalyq komissiyasynyng esepterin tyndau, olardyng júmystaryn baghalau sezding qúziretine jatady.

Atalghan  mәsele boyynsha barlyq bilim beru úiymdarynda pedagogikalyq újymy jinalystary ótkizilip, búl shara erikti týrde jýrgizilip jatqandyghy turaly týsindirildi. Nәtiyjesinde múghalimder bir kýndik jalaqyny ardagerler úiymynyng esep-shotyna audaratyndyghy turaly sheshim qabyldandy. Qabyldanghan sheshim turaly hattamalar men múghalimderding qol qoyylghan vedomostvalary barlyq bilim beru úiymdarynda jinaqtalghan.  Ákimdik nemese bilim bólimi tarapynan  eshqanday mәjbýrleu bolmaghandyghyn jetkizedi.

Sol sebepten «Ardagerler úiymy» RQB-ning Qarasay audandyq filialynyng qoghamdyq birlestigining qoryna bir kýndik enbekaqylaryn jinau turaly ýndeu shygharugha jәne jinalghan qarjynyng esebin beru audan әkimining qúzyryna jatpaydy.

A.Nazarbaeva

Abai.kz